Advertisement
കൊല്ലം: മധ്യവയസ്‌ക്കനെ വീടു കയറി ആക്രമിച്ച സംഘത്തിലെ ഒരാള്‍ പിടിയില്‍. ശൂരനാട് തെക്ക് തൃക്കുന്നപുഴ തെക്ക് പുത്തന്‍പുര കിഴക്കതില്‍ അമല്‍ (19) ആണ് കരുനാഗപ്പള്ളി പോലീസിന്റെ പിടിയിലായത്. കല്ലേലിഭാഗത്തുള്ള രാജുവിനാണ് മര്‍ദനമേറ്റത്. മുന്‍വിരോധത്തെ തുടര്‍ന്ന് രാജുവിന്റെ വീട്ടില്‍ അതിക്രമിച്ചു കയറിയ അമല്‍ ജന്നല്‍ ചില്ല് അടിച്ച് തകര്‍ക്കുകയും മര്‍ദിക്കുകയുമായിരുന്നു.
രാജുവിന്റെ പരാതിയില്‍ കേസ് രജിസ്റ്റര്‍ ചെയ്ത് നടത്തിയ അന്വേഷണത്തില്‍ പ്രതിയെ പിടികൂടുകയായിരുന്നു. കരുനാഗപ്പള്ളി ഇന്‍സ്‌പെക്ടര്‍ നിസ്സാമുദ്ദീന്‍, എസ്‌ഐ ഷെമീര്‍ എന്നിവരുടെ നേതൃത്വത്തിലാണ് പ്രതിയെ പിടികൂടിയത്.
Advertisement