ഇരവിപുരം:2023-24 എസ് എസ് എൽ സി പരീക്ഷയിൽ എല്ലാ വിഷയങ്ങൾക്കും എ പ്ലസ് കരസ്ഥമാക്കിയ വിദ്യാർത്ഥികളെ അനുമോദിക്കുന്ന
ജോൺസിയൻ മെറിറ്റ് ഡേ ഇരവിപുരം സെൻ്റ് ജോൺസ് ഹൈസ്കൂളിൽ സംഘടിപ്പിച്ചു. കൊല്ലം രൂപത കോർപ്പറേറ്റിവ് മാനേജ്മെൻ്റ് ഓഫ് കാത്തലിക്ക് സ്കൂൾസിൻ്റെ സെക്രട്ടറി റവ. ഫാദർ ബിനു തോമസ് ഉദ്ഘാടനം നിർവ്വഹിച്ചു. മൂല്യാധിഷ്ഠിത വിദ്യാഭ്യാസത്തിലൂടെ നല്ല പൗരൻമ്മാരെ സൃഷ്ടിക്കുക എന്നതാണ് വിദ്യാഭ്യാസത്തിൻ്റെ പരമ പ്രധാനമായ ലക്ഷ്യം എന്ന് അദ്ദേഹം അഭിപ്രായപ്പെട്ടു. ലോക്കൽ മാനേജർ ഫാദർ റിജോ അധ്യക്ഷത വഹിച്ച ചടങ്ങിൽ സ്കൂൾ ഹെഡ്മാസ്റ്റർ ശ്രീ. അനിൽ ഡി സ്വാഗതം അർപ്പിച്ചു. ചടങ്ങിൽ എസ് എസ് എൽ പി പരീക്ഷയിൽ മുഴുവൻ വിഷയങ്ങൾക്കും എ പ്ലസ് നേടിയ വിദ്യാർത്ഥികളെയും പൂർവ്വ വിദ്യാർത്ഥിയും കേരള സർവ്വകലാശാല ബി എ ഫിലോസഫി പരീക്ഷയിൽ രണ്ടാം റാങ്ക് കരസ്ഥമാക്കിയ ഹന്നാ ഫാത്തിമയെയും ആദരിച്ചു.കൊല്ലം കോർപ്പറേഷൻ കൗൺസിലർ പ്രിയദർശൻ മുഖ്യ പ്രഭാഷണം നടത്തി. പി.ടി.എ പ്രസിഡൻ്റ് ജോസ് ജെറോം,മുൻ ഹെഡ്മാസ്റ്റർ ക്ലീറ്റസ്. എ , പൂർവ്വ വിദ്യാർത്ഥി ബിനു ജോസഫ്, അധ്യാപക പ്രതിനിധികളായ ഫ്ളോറൻസ് വിക്ടർ, അജി.സി എയ്ഞ്ചൽ എന്നിവർ സംസാരിച്ചു.
