കൊട്ടാരക്കര: കൊട്ടാരക്കര പോലീസ് സ്റ്റേഷന്‍ അതിര്‍ത്തിയില്‍ വയയ്ക്കല്‍ സ്വദേശിയായ ഗൃഹനാഥനെയും ഭാര്യയെയും വീട് കയറി അക്രമിച്ച് കൊലപ്പെടുത്താന്‍ ശ്രമിച്ച കേസിലെ പ്രതികളെ കൊട്ടാരക്കര പോലീസ് പിടികൂടി. കുണ്ടറ പേരയം കുമ്പളം ഷൈജു ഭവനം വീട്ടില്‍ ചെങ്കീരി എന്ന് വിളിക്കുന്ന ഷൈജു (31), കുണ്ടറ കാഞ്ഞിരോട് സുനി നിവാസില്‍ അതുല്‍ വില്യംസ് (30) എന്നിവരെയാണ് കൊട്ടാരക്കര പോലീസ് പിടികൂടിയത്.
കേസിലെ പ്രതികളായിരുന്ന കുമ്പളം സ്വദേശിയും പോസ്റ്റുമാനുമായ മനു മൈക്കിള്‍, ആന്റണി ദാസ് എന്നിവരെ കൊട്ടാരക്കര പോലീസ് നേരത്തേ അറസ്റ്റ് ചെയ്തിരുന്നു. മനു മൈക്കിളിന് വയയ്ക്കല്‍ സ്വദേശിയായ ഗൃഹനാഥനോടുള്ള വിരോധം നിമിത്തം വീട് കയറി ആക്രമണം നടത്താന്‍ ക്വട്ടേഷന്‍ നല്‍കുകയായിരുന്നു. കേസിലെ എല്ലാ പ്രതികള്‍ക്കെതിരെയും കുണ്ടറ പോലീസ് സ്റ്റേഷനില്‍ നിരവധി ക്രിമിനല്‍ കേസുകള്‍ നിലവിലുള്ളതായും പ്രതികള്‍ക്കെതിരെ കാപ്പാ നിയമ പ്രകാരം നടപടി സ്വീകരിച്ചിട്ടുള്ളതായും പോലീസ് അറിയിച്ചു. അറസ്റ്റ് ചെയ്ത പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു.