കൊല്ലം: പൊതു വിദ്യാഭ്യാസ വകുപ്പിന്റെ ദക്ഷിണ മേഖല ഫയല്‍ അദാലത്ത് നാളെ കൊല്ലം സെന്റ് അലോഷ്യസ് ഹയര്‍ സെക്കന്‍ഡറി സ്‌കൂളില്‍ നടക്കും. പൊതുവിദ്യാഭ്യാസവും തൊഴിലും വകുപ്പ് മന്ത്രി വി. ശിവന്‍കുട്ടി അദാലത്ത് ഉദ്ഘാടനം ചെയ്യും. ധനകാര്യ വകുപ്പ് മന്ത്രി കെ.എന്‍. ബാലഗോപാല്‍ അധ്യക്ഷത വഹിക്കും.
തിരുവനന്തപുരം കൊല്ലം,പത്തനംതിട്ട, ആലപ്പുഴ ജില്ലകളിലെ സെക്കന്‍ഡറി, ഹയര്‍സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി വിഭാഗങ്ങളില്‍ 31-12-2023 വരെ ലഭ്യമായതും തീര്‍പ്പാക്കാത്തതുമായ അപേക്ഷകളിന്മേലാണ് അദാലത്ത് സംഘടിപ്പിക്കുന്നത്.
സെക്കന്‍ഡറി വിഭാഗത്തില്‍ തിരുവനന്തപുരം ജില്ലയില്‍ ആകെ 263 അപേക്ഷകളും കൊല്ലം ജില്ലയില്‍ ആകെ 253 അപേക്ഷകളും പത്തനംതിട്ട ജില്ലയില്‍ 161 അപേക്ഷകളും ആലപ്പുഴ ജില്ലയില്‍ 117 അപേക്ഷകളുമാണ് അദാലത്തിനായി ലഭ്യമായിട്ടുള്ളത്. ഹയര്‍സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി വിഭാഗത്തില്‍ തിരുവനന്തപുരം മേഖലയില്‍ 132 അപേക്ഷകളും ചെങ്ങന്നൂര്‍ മേഖലയില്‍ 64 അപേക്ഷകളും ലഭ്യമായിട്ടുണ്ട്.
