Advertisement
ശാസ്താംകോട്ട: ഐഎൻടിയുസി ശൂരനാട് തെക്ക് മണ്ഡലം പ്രസിഡന്റ് കിടങ്ങയം ശ്രീ ശിവത്തിൽ ഗിരീഷ് (50,ഗവ.കോൺട്രാക്ടർ)നെ ചക്കുവളളി ചിറയിൽ മരിച്ച നിലയിൽ കണ്ടെത്തി.തിങ്കളാഴച പകൽ 3 ഓടെ വെള്ളത്തിൽ പൊങ്ങിക്കിടക്കുന്ന നിലയിലാണ് മൃതദേഹം കണ്ടെത്തിയത്.ശാസ്താംകോട്ട ഫയർഫോഴ്സ് സ്ഥലത്തെത്തി കരയ്ക്കെത്തിച്ച മൃതദേഹം താലൂക്ക് ആശുപത്രി മോർച്ചറിയിലേക്ക് മാറ്റി.അനന്തര നടപടികൾക്കു ശേഷം സംസ്ക്കാരം ചൊവ്വാഴ്ച പകൽ വീട്ടുവളപ്പിൽ നടക്കും.ആത്മഹത്യയ്ക്കുള്ള കാരണം അറിവായിട്ടില്ല.കോൺഗ്രസ് ശൂരനാട് തെക്ക് മണ്ഡലം വൈസ് പ്രസിഡന്റ്,
പതാരം സർവ്വീസ് സഹകരണ ബാങ്ക് ഡയറക്ടർ ബോർഡ് അംഗം,5534-നമ്പർ കിടങ്ങയം എൻഎസ്എസ് കരയോഗം പ്രസിഡന്റ് തുടങ്ങിയ നിലകളിൽ പ്രവർത്തിച്ചു വരികയായിരുന്നു.ഭാര്യ:വിജയശ്രീ.
മക്കൾ:ഹരീഷ്,നിധീഷ്.
Advertisement
