Advertisement
കൊല്ലം: ശാസ്താംകോട്ട എയ്ഞ്ജല്‍ കിഡ്സ് സ്‌കൂളിലെ എല്‍കെജി, യുകെജി വിദ്യാര്‍ഥികള്‍ അവരുടെ കുഞ്ഞുനിക്ഷേപം ജില്ലാ കളക്ടര്‍ എന്‍.ദേവിദാസിന് കൈമാറി. കുട്ടികളില്‍ സമ്പാദ്യശീലം വളര്‍ത്തുന്നതിനായി സ്‌കൂളില്‍ നിന്ന് നല്‍കിയ കുടുക്കകളില്‍ കുട്ടികള്‍ ശേഖരിച്ചു വച്ചിരുന്ന പണമാണ് 24 കുടുക്കകളിലായി കളക്ടര്‍ക്ക് കൈമാറിയത്.
അധ്യാപികയായ വീണ പത്രോസിനൊപ്പമാണ് കുട്ടികള്‍ കളക്ടറേറ്റിലെത്തിയത്. വയനാട്ടിലെ ദുരിതബാധിതരെ സഹായിക്കാന്‍ കുട്ടികളടക്കം സമൂഹത്തിന്റെ നാനാ മേഖലയില്‍ നിന്നുള്ളവരുടെ സഹായമെത്തുന്നത് മാതൃകാപരമാണെന്ന് ജില്ലാകളക്ടര്‍ പറഞ്ഞു.
മുഖ്യമന്ത്രിയുടെ ദുരിതാശ്വാസ നിധിയിലേക്ക് ബുധനാഴ്ച മാത്രം സംഭാവനയായി ലഭിച്ചത് 3,02,181 രൂപയാണ്. ഓഗസ്റ്റ് ആറ് വരെ 2,44,63,090 രൂപ സിഎംഡിആര്‍എഫിലേക്കായി ജില്ലയില്‍ സമാഹരിച്ചു.
Advertisement