Advertisement
കൊല്ലം: ലോണ്‍ വാഗ്ദാനം ചെയ്ത് ഓണ്‍ലൈനിലൂടെ പണം തട്ടിയെടുത്ത കേസില്‍ യുവാവ് അറസ്റ്റില്‍. കിഴക്കേകല്ലട സ്വദേശിനിയായ വീട്ടമ്മയാണ് തട്ടിപ്പിനിരയായത്. സംഭവവുമായി ബന്ധപ്പെട്ട് മലപ്പുറം പരിയാപുരത്ത് കൊട്ടുപുറം പാട്ടശ്ശേരില്‍ വീട്ടില്‍ ഹബീബ് (32) ആണ് അറസ്റ്റിലായത്.
കിഴക്കേക്കല്ലട പോലീസ് സ്റ്റേഷന്‍ ഐഎസ്എച്ച്ഒ ശിവ പ്രകാശിന്റെ നേതൃത്വത്തില്‍ എസ്‌ഐ ഷാജഹാന്‍, എസ്‌സിപിഒ വിപിന്‍, സിപിഒമാരായ ബിജു, ജിജിമോള്‍ എന്നിവര്‍ ഉള്‍പ്പെട്ട പോലീസ് സംഘമാണ് മലപ്പുറത്തുനിന്ന് പ്രതിയെ പിടികൂടിയത്. അറസ്റ്റ് ചെയ്ത പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.
Advertisement
