കുന്നത്തൂർ:പി.എസ് ബാനർജിയുടെ മൂന്നാം ഓർമ്മദിനാചരണത്തിന്റെ ഭാഗമായിഓർമ്മയിൽ ബാനർജി എന്ന പേരിൽ അനുസ്മരണ സമ്മേളനവും പുരസ്ക്കാര വിതരണവും ഞായറാഴ്ച ഭരണിക്കാവ് തറവാട് ആഡിറ്റോറിയത്തിൽ വച്ച് നടക്കും.പി.എസ് ബാനർജി അക്കാദമി ഓഫ് ഫോക് ലോർ ആന്റ് ഫൈൻ ആർട്സ് ആണ് പരിപാടി സംഘടിപ്പിച്ചിരിക്കുന്നത്.രാവിലെ 8 മണിക്ക് ബാനർജി സ്മൃതി കുടീരത്തിൽ പുഷ്പാർച്ചന നടത്തി അനുസ്മരണന പരിപാടികൾ ആരംഭിക്കും.10 ന് നാടൻപാട്ട് മത്സരം.5.30 ന് ചേരുന്ന അനുസ്മരണ സമ്മേളനത്തിൽ അക്കാദമി പ്രസിഡന്റ് സഞ്ജയ് പണിക്കർ അധ്യക്ഷത വഹിക്കും.
മന്ത്രി സജി ചെറിയാൻ ഉദ്ഘാടനം നിർവഹിക്കും.സമ്മേളനത്തിൽ രമേശ് കരിന്തലക്കൂട്ടത്തിന് ബാനർജി പുരസ്കാരം
കൊടിക്കുന്നിൽ സുരേഷ് എം.പി സമ്മാനിക്കും.കോവൂർ കുഞ്ഞുമോൻ എംഎൽഎ മത്സര വിജയികൾക്ക് സമ്മാന വിതരണം നടത്തും.ചലച്ചിത്രതാരം പ്രമോദ് വെളിയനാട് വിശിഷ്ടാതിഥിയാകും.നാടക് സംസ്ഥാന സെക്രട്ടറി ജെ.ശൈലജ മുഖ്യ പ്രഭാഷണം നടത്തും.തുടർന്ന് തൃശ്ശൂർ കരിന്തലക്കൂട്ടം അവതരിപ്പിക്കുന്ന നാടൻപാട്ടുകൾ അരങ്ങേറും.
