പള്ളിശേരിക്കൽ പതിനാലാം വാർഡിൽ തെരുവ് നായയുടെ ആക്രമണത്തിൽ കുട്ടികൾ ഉൾപ്പെടെ മൂന്ന് പേർക്ക് ഗുരുതര പരിക്ക്

Advertisement

ശാസ്താംകോട്ട:പള്ളിശേരിക്കൽ പതിനാലാം വാർഡിൽ തെരുവ് നായയുടെ ആക്രമണത്തിൽ മൂന്ന് പേർക്ക് ഗുരുതര പരിക്കേറ്റു.പള്ളിശേരിക്കൽ ദാറുസലാം അലിയാരുകുഞ്ഞ് (64),വലിയവിള കിഴക്കതിൽ മുഹമ്മദ്
റൈഹാൻ(8),വലിയവിള പടിഞ്ഞാറ്റതിൽ ഫർഹാന (12) എന്നിവർക്കാണ് കടിയേറ്റത്.ശാസ്താംകോട്ട താലൂക്ക് ആശുപത്രിയിൽ പ്രഥമ ശുശ്രൂക്ഷ നൽകിയ ശേഷം മൂവരെയും പാരിപ്പള്ളി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.രാവിലെയും വൈകിട്ടും മദ്രസകളിലേക്കും സ്കൂളിലേക്കും പോകുകയും വരികയും ചെയ്യുന്ന കുട്ടികളെ കൂട്ടമായെത്തുന്ന നായ്ക്കൾ ആക്രമിക്കുന്നത് പതിവാണ്.പള്ളിശേരിക്കൽ മേഖലയിലടക്കം പഞ്ചായത്തിലെ മുഴുവൻ വാർഡുകളിലും തെരുവ് നായ ശല്യം അതിരൂക്ഷമായിട്ടും നടപടിയെടുക്കുവാൻ ഗ്രാമ – ബ്ലോക്ക് ഭരണ സംവിധാനങ്ങൾ മടിക്കുകയാണെന്ന് ബ്ലോക്ക് പഞ്ചായത്തംഗം തുണ്ടിൽ നൗഷാദ് ആരോപിച്ചു