Advertisement
പുനലൂര്‍: കശാപ്പിനായി വാഹനത്തില്‍ എത്തിച്ച കാള വിരണ്ടോടിയത് പ്രദേശത്ത് പരിഭ്രാന്തി പരത്തി. ഇന്ന് ഉച്ചയ്ക്ക് 1.30ക്ക് പുനലൂര്‍ സെന്റ് ഗൊറേറ്റി സ്‌കൂളിന് സമീപത്തെ റോഡിലാണ് സംഭവം. വിരണ്ടോടിയ കാള റോഡിലൂടെ നടന്നുവന്ന വിദ്യാര്‍ത്ഥിയെ ആക്രമിച്ചു. പരിക്കേറ്റ 9-ാം ക്ലാസ് വിദ്യാര്‍ത്ഥിയെ പുനലൂര്‍ താലൂക്ക് ആശുപത്രിയില്‍ പ്രവേശിപ്പിച്ചു. സമീപത്ത് നിര്‍ത്തിയിരുന്ന കാറും കാള തകര്‍ത്തു. പിന്നീട് ഏറെ പണിപ്പെട്ടാണ് ഫയര്‍ഫോഴ്സും പൊലീസും നാട്ടുകാരും ചേര്‍ന്ന് കാളയെ പിടിച്ചുകെട്ടിയത്.
Advertisement
