കൊല്ലം:അധ്യാപകരോടും മറ്റ് സർക്കാർ ജീവനക്കാരോടുംപിണറായി സർക്കാർ കാട്ടുന്ന അവഗണനയ്ക്കും അനീതിക്കും എതിരെ ദേശീയ അധ്യാപക പരിഷത് പ്രതിഷേധ ധർണ്ണ നടത്തി.
ഡി.എ , ലീവ് സറണ്ടർ, ശമ്പള പരിഷ്കരണം തുടങ്ങിയ തടഞ്ഞ് വെച്ചിരിക്കുന്ന ആനുകൂല്യങ്ങൾ ഉടൻ അനുവദിക്കുക, സ്ഥിരനിയമനത്തിന് അർഹരായ അധ്യാപകരെ ദിവസ വേതനക്കാരായി നിയമിക്കുന്നത് അവസാനിപ്പിക്കുക,
പങ്കാളിത്ത പെൻഷൻ പദ്ധതി പിൻവലിക്കുക, സർക്കാർ വിഹിതം ഉൾപ്പെടുത്തി മെഡിസെപ്പ് പരിഷ്ക്കരിക്കുക, ഉച്ചഭക്ഷണ പദ്ധതിയുടെ തുക കാലോചിതമായി വർദ്ധിപ്പിക്കുക, വിദ്യാഭ്യാസ ഓഫീസുകളിലെ ഫയൽ നീക്കം വേഗത്തിലാക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു പ്രതിഷേധം. ദേശീയ അധ്യാപക സംസ്ഥാന സമിതി അംഗം ടി.ജി ഹരികുമാർ ഉദ്ഘാടനം ചെയ്തു.ജില്ലാ പ്രസിഡൻറ് എസ് .കെ ദിലീപ് കുമാർ അധ്യക്ഷത വഹിച്ചു.
എൻ.ടി.യു ജില്ലാ സെക്രട്ടറി എ അനിൽകുമാർ , ജില്ലാ ട്രഷറർ ആർ ഹരികൃഷ്ണൻ,
ധനലക്ഷ്മി വിരിയറഴികത്ത്,കെ സുനീഷ് , അർക്കന്നൂർ രാജേഷ്,Dr.ദിനേശ്,
പ്രദീപ് എൻ,ഗിരീഷ്,
ധന്യ റ്റി.ആർ,
അഖില അശോക് ,ദിവ്യ , മിഥുൻ,വിശാൽഎം.ജി,
മനോജ് എം,
ദീപ കുമാർ, ശ്രീകുമാർ എന്നിവർ സംസാരിച്ചു. പടം – ടി. ജി ഹരികുമാർ ധർണ്ണ ഉൽഘാടനംചെയ്യുന്നു.
