Advertisement
കുന്നത്തൂർ:ചീക്കൽകടവ് പാലത്തിനു സമീപം കോഴി – അറവ് മാലിന്യം തള്ളിയ നിലയിൽ കണ്ടെത്തി.രാത്രിയുടെ മറവിൽ വാഹത്തിൽ എത്തിച്ചാണ് ദുർഗന്ധം വമിക്കുന്ന മാലിന്യം വൻതോതിൽ തള്ളിയതെന്നാണ് നിഗമനം.ശനിയാഴ്ച പുലർച്ചെ നടക്കാനിറങ്ങിയവരാണ് മാലിന്യം തള്ളിയിരിക്കുന്നത് കണ്ടത്.കരിന്തോട്ടുവ ഭാഗത്തു നിന്നും പാലത്തിലേക്ക് കയറുന്നതിന്റെ വലതു ഭാഗത്ത് കുരിശടിക്കു സമീപമാണ് മാലിന്യം തള്ളിയത്.മഴ ശക്തമായി പെയ്യുന്നതിനാൽ മാലിന്യം അപ്പാടെ കല്ലടയാറ്റിലേക്ക് എത്താനും സാധ്യതയുണ്ട്.വാഹന തിരക്ക് കുറവായതിനാൽ വൈകുന്നേരങ്ങളിൽ നിരവധിയാളുകൾ പാലത്തിൽ വിശ്രമത്തിനായി എത്താറുണ്ട്.മുൻപും പലതവണ ഇവിടെ ഇത്തരം മാലിന്യം തള്ളിയിട്ടുണ്ടെന്നും നടപടിയെടുക്കാൻ അധികൃതർ തയ്യാറാകണമെന്നും നാട്ടുകാർ ആവശ്യപ്പെട്ടു.
Advertisement
