ശാസ്താംകോട്ട:കുമ്പളത്ത് ശങ്കുപിള്ള മെമ്മോറിയൽ ദേവസ്വം ബോർഡ് കോളേജിലെ ബോട്ടണി വിഭാഗം പൂർവ്വവിദ്യാർത്ഥിയും പിന്നീട് ഇന്ത്യൻ എയർഫോഴ്‌സിൽ ഉദ്യോഗസ്ഥനും ആയിരിക്കെ മധ്യപ്രദേശിലെ ആംലയിൽ വെച്ച് കൃത്യനിർവ്വഹണത്തിനിടെ 2018 ഫെബ്രുവരിയിൽ ഉണ്ടായ സ്ഫോടനത്തിൽ വീരമൃത്യ വരിച്ച കോർപ്പറൽ.ദീപക് ദിലീപൻ അനുസ്മരണ യോഗവും എൻഡോവ്മെൻ്റ് വിതരണവും നടത്തി.2006-2009 ബോട്ടണി ബാച്ചിൻ്റെ സൗഹൃദ കൂട്ടായ്മയുടെ നേതൃത്വത്തിലാണ് പരിപാടി സംഘടിപ്പിച്ചത്.മികച്ച വിദ്യാർത്ഥികൾക്കുള്ള എന്‍ഡോവ്മെന്റ് ബോട്ടണി വിഭാഗത്തിലെ 21- 24 ബാച്ച് പരീക്ഷയില്‍ ഉയർന്ന മാര്‍ക്ക് ലഭിച്ച മീര ബിജുവിന് ശാസ്താംകോട്ട എസ്.ഐ കെ.എച്ച് ഷാനവാസ് സമ്മാനിച്ചു.കോളേജ് പ്രിൻസിപ്പൽ ഇൻ ചാർജ്ജ് ഡോ.മധു അധ്യക്ഷത വഹിച്ചു.മുൻ ഹെഡ് ഓഫ് ദി ഡിപ്പാർട്ട്മെന്റ് പ്രൊഫ.സത്യപ്രകാശ്,പ്രൊഫ.സവിജ സത്യപ്രകാശ്,കെ.വി രാമാനുജൻ തമ്പിഡോ.ഗീതാകൃഷ്ണൻ നായർ,ശ്രീനാഥ്,ഡോ.പ്രീത.ജി.പ്രസാദ്,അനിൽകുമാർ,ആദർശ്,നീതു,ധന്യ,
ശുഭലക്ഷമി,ലക്ഷ്മി ശ്രീകുമാർ എന്നിവർ അനുസ്മരണ പ്രഭാഷണം നടത്തി.
