ശാസ്താംകോട്ട. കുന്നത്തൂര്‍ മിനി സിവില്‍ സ്റ്റേഷന്‍റെ വിവാദമേല്‍നില നിര്‍മ്മാണം ഒരു ദശാബ്ദത്തിലേറെ എടുത്ത് പൂര്‍ർത്തിയായതാണ്. അവിടേക്ക് മാറിക്കയറാന്‍ അനുമതി വാങ്ങി എത്തിയ ഉദ്യോഗസ്ഥര്‍ വലയുന്നു. കെട്ടിടം ചോര്‍ന്നുതുടങ്ങി. പലയിടത്തും നനവ് പിടിച്ച് സിമിന്‍റെ അടരുന്ന നിലയിലാണ്.
ഒരാഴ്ചമുമ്പാണ് ഉപജില്ലാ വിദ്യാഭ്യാസ ഓഫീസ് അവിടേക്ക് മാറിയത്. ഇപ്പോള്‍ രേഖകളും മറ്റും നനയാതെ സൂക്ഷിക്കാന്‍ പാടുപെടേണ്ടി വരുമോ എന്ന ആശങ്കയുണ്ട്. കോടതിക്കെട്ടിടം നിര്‍മ്മിച്ച് വിവാദത്തിലായ കരാറുകാരനായിരുന്നു ഈ കെട്ടിടവും കരാറെടുത്തിരുന്നത്. പണി വല്ലാതെ നീണ്ടു. മൂന്നു അന്യസ്ംസ്ഥാനത്തൊഴിലാളികളെ വച്ച് മാസങ്ങള്‍ എടുത്ത് നിര്‍മ്മാണം നടത്തിയത് നേരത്തേ വാര്‍ത്തയായിരുന്നു. കമ്പുകൊണ്ട് ചുരണ്ടിയാല്‍ സിമിന്‍റ് പൊഴിയുന്നു എന്ന പരാതിയും ഇതിനെച്ചൊല്ലി സമരവും നടന്നതാണ്.
താലൂക്ക് വികസന സമിതിയിലടക്കം നിരവധിതവണ ഈപ്രശ്നങ്ങള്‍ ഉന്നയിച്ചിരുന്നുവെന്നും. തകരാര്‍ പരിഹരിക്കാന്‍ അധികൃതര്‍ തയ്യാരാകാത്ത പക്ഷം ജനകീയസമരം നേരിടേണ്ടി വരുമെന്നും ബ്ളോക്ക് പഞ്ചായത്ത് അംഗം തുണ്ടില്‍ നൗഷാദ് മുന്നറിയിപ്പു നല്‍കി.
താലൂക്ക് ആസ്ഥാനത്ത് വാടകക്കെട്ടിടത്തില്‍ പ്രവര്‍ത്തിക്കുന്ന നിരവധി സര്‍ക്കാര്‍ ഓഫീസുകള്‍ ഉണ്ട്. കെട്ടിടം ചോര്‍ന്നു തുടങ്ങി.ത് ഇവിടേക്ക് വരാന്‍ കാത്തിരുന്ന ഓഫീസുകളിലെ ഉദ്യോഗസ്ഥരെ ആശങ്കയിലാക്കിയിട്ടുണ്ട്.
