Advertisement
കൊട്ടാരക്കര: എംസി റോഡില്‍ കൊട്ടാരക്കര കലയപുരത്ത് കെഎസ്ആര്‍ടിസി സൂപ്പര്‍ ഫാസ്റ്റ് ബസ്സിടിച്ച് സ്‌കൂട്ടര്‍ യാത്രക്കാരന്‍ മരിച്ചു. മൈലം ഇഞ്ചക്കാട് പരുവക്കുഴിയില്‍ വീട്ടില്‍ രാധാകൃഷ്ണന്‍ (56) ആണ് മരിച്ചത്. ഇന്ന് ഉച്ചക്ക് 1.30-ഓടെയായിരുന്നു സംഭവം. കൊട്ടാരക്കരയില്‍ നിന്നും എറണാകുളത്തേക്ക് പോകുകയായിരുന്ന സൂപ്പര്‍ ഫാസ്റ്റ് ബസ്
എതിര്‍ ദിശയില്‍ നിന്നും വന്ന സ്‌കൂട്ടറില്‍ ഇടിക്കുകയായിരുന്നു. ഉടന്‍തന്നെ നാട്ടുകാര്‍ രാധാകൃഷ്ണനെ കൊട്ടാരക്കര താലൂക്ക് ആശുപത്രിയില്‍ എത്തിച്ച ശേഷം തിരുവനന്തപുരം മെഡിക്കല്‍ കോളജിലേക്ക് പ്രവേശിച്ചുവെങ്കിലും ജീവന്‍ രക്ഷിക്കാനായില്ല. കൊട്ടാരക്കര പോലീസ് മേല്‍നടപടികള്‍ സ്വീകരിച്ചു. ഭാര്യ: ശ്രീജ. മക്കള്‍: രാഖികൃഷ്ണന്‍, ആര്യ കൃഷ്ണന്‍.
Advertisement
