ശൂരനാട്                                  ജിഎച്ച്എസ്എസിൽ കാർഷിക വിപണിയും കുട്ടി കർഷകരെ ആദരിക്കലും നടത്തി

Advertisement

ശൂരനാട്: പുതുവർഷത്തെ വരവേറ്റ് മാതൃഭൂമി സീഡ് ക്ലബ്ബ് ‘കുട്ടി കർഷക ‘രെ ആദരിച്ചു. ജില്ലയിലെ മികച്ച സീഡ് കുട്ടി കർഷനായ ദേവ് ആർ എസ് അമ്പാടി, പഞ്ചായത്തിലെ മികച്ച കുട്ടി കർഷ ഇശൽ, സ്കൂൾ കുട്ടി കർഷകരായ കീർത്തനാ ചന്ദ്രൻ , മാളവിക എന്നിവരെയാണ് ആദരിച്ചത്. പിറ്റിഎ പ്രസിഡൻ്റ് എസ് ഹാരീസ് അധ്യക്ഷതവഹിച്ചു. വാർഡ് മെമ്പർ എസ്.സൗമ്യ ഉദ്ഘാടനം ചെയ്തു. അധ്യാപകരായ ഗോപാലകൃഷ്ണപിള്ള, ഹരികുമാർ , എന്നിവർ സംസാരിച്ചു. സീഡ് കോഡിനേറ്റർ ശൂരനാട് രാജേന്ദ്രൻ നേതൃത്വം നൽകി. സ്കൂൾ കാർഷിക വിപണിയിൽ കുട്ടികളുടെ പച്ചക്കറി ഉൽപ്പനങ്ങളുടെ വിൽപ്പനയും പ്രദർശനം നടത്തി.’