ഇരവിപുരം: കൊല്ലം തോട്ടിൽ യുവാവ് ഒഴുക്കിൽ പെട്ടു മരണപ്പെട്ടു. യുവാവിനെ തിരിച്ചറിഞ്ഞിട്ടില്ല. തിങ്കളാഴ്ച്ച വൈകുന്നേരം മൂന്നു മണിയോട് കൂടി ഇരവിപുരം കുട്ടൻ കടത്തിനു സമീപമുള്ള നടപ്പാലത്തിന് താഴെ ആയിരുന്നു സംഭവം. ചൂണ്ട ഇട്ടുകൊണ്ടിരുന്ന യുവാവ് ദേഹം കഴുകുവാനായി തോട്ടിലേക്കിറങ്ങുകയായിരുന്നു. യുവാവിന്റെ ചെരുപ്പ് ഒഴുകിപ്പോയത് തിരിച്ചെടുക്കുവാൻ തോടിന്റെ മധ്യഭാഗത്തേക്ക് പോകവേ ചെളിയിൽ മുങ്ങി താഴ്ന്നു. ബഹളം കേട്ട് കരയിൽ ഉണ്ടായിരുന്ന സമീപ വാസികൾ രക്ഷിക്കാൻ ശ്രമിച്ചെങ്കിലും സാധിച്ചില്ല. നാട്ടുകാർ പോലീസിൽ അറിയിച്ചതിനെ തുടർന്ന്
ഇരവിപുരം പോലീസും ഫയർ ഫോഴ്സും എത്തി തെരച്ചിൽ നടത്തിയെങ്കിലും ബോഡി കണ്ടെത്താനായില്ല. ഫയർഫോഴ്സിന്റെ സ്കൂബ ഡൈവിംഗ് ടീം എത്തി നടത്തിയ തിരച്ചിലാണ് ചെളിയിൽ പുതഞ്ഞ നിലയിൽ യുവാവിന്റെ മൃതദേഹം കണ്ടെത്തിയത്. മൃതദേഹം ജില്ലാ ആശുപത്രി മോർച്ചറിയിലേക്ക് മാറ്റി.
ഇരവിപുരം പോലീസ് കേസെടുത്തു.