Advertisement
കൊല്ലം: തെരുവ്നായ് ശല്യം രൂക്ഷമായതിനെ തുടര്‍ന്ന് പാരിപ്പള്ളി മെഡിക്കല്‍ കോളേജ് ഭാഗത്ത് നായപിടുത്തവും നായ്ക്കള്‍ക്ക് പേവിഷ പ്രതിരോധ കുത്തിവയ്പും ആരംഭിച്ചു. ജില്ലാ വെറ്ററിനറി കേന്ദ്രം ചീഫ് വെറ്ററിനറി ഓഫീസറുടെ നേതൃത്വത്തില്‍ വെറ്ററിനറി സര്‍ജന്‍മാരുടെയും ഡോഗ് ക്യാച്ചര്‍മാരുടെയും ടീം പാരിപ്പള്ളിയിലെത്തി നായ്ക്കളെ പിടിച്ചു പേവിഷ പ്രതിരോധകുത്തിവയ്പ്പിന് വിധേയമാക്കി.
ചീഫ് വെറ്ററിനറി ഓഫീസര്‍, ഡോ.ഡി. ഷൈന്‍കുമാര്‍, ജില്ലാ എപ്പിഡെമിയോളജിസ്റ്റ് ഡോ. ആര്‍. ഗീതാറാണി, ഡോ.എസ്.ഷീജ, ഡോ. ആര്യ സുലോചനന്‍, എസ്പിസിഎ ഇന്‍സ്പക്ടര്‍ റിജു നിഹാസ്, ഷിബു പ്രകാശ്, അജിത് മുരളി എന്നിവര്‍ അടങ്ങുന്ന വെറ്ററിനറി ടീമാണ് ദൗത്യത്തിന് നേതൃത്വം നല്‍കിയത്.
Advertisement