കുളത്തുപ്പുഴ. പത്താം ക്ലാസുകാരി വിദ്യാർഥിനി വീട്ടിനുള്ളിൽ തൂങ്ങിമരിച്ച നിലയിൽ കണ്ടെത്തി.കുളത്തുപ്പുഴ കല്ലുവെട്ടാംകുഴി ജയഭവനിൽ ജയകുമാർ അശ്വതി ദമ്പതികളുടെ മകൾ കല്യാണി ജയകുമാർ ആണ് തൂങ്ങിമരിച്ചത്. സംഭവത്തിൽ കുളത്തൂപ്പുഴ അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു.
കഴിഞ്ഞദിവസം രാത്രി എട്ടുമണിയോടുകൂടിയാണ് കല്യാണി ജയകുമാറിനെ വീടിനുള്ളിലെ കിടപ്പുമുറിയിൽ തൂങ്ങിമരിച്ച നിലയിൽ കണ്ടത്. ഉടൻ തന്നെ കുട്ടിയെ അഞ്ജലിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കുട്ടിക്ക് വീട്ടിൽ മറ്റ് പ്രശ്നങ്ങൾ ഇല്ലായിരുന്നു എന്നും ആത്മഹത്യ ചെയ്യാനുള്ള കാരണം എന്താണെന്ന് അറിയില്ലെന്നും കുടുംബം വ്യക്തമാകുന്നു. അതേസമയം പെൺകുട്ടിയെ മരിച്ച നിലയിൽ കണ്ടെത്തിയ മുറിയിൽ ഫോറൻസിക് വിഭാഗം പരിശോധന നടത്തി. വീട്ടിൽ നിന്നും ആത്മഹത്യ കുറിപ്പ് കണ്ടെത്തിയതായാണ് വിവരം. സ്കൂളിൽ കൂട്ടുകാരുമായി ഉണ്ടായ ചില തർക്കങ്ങളാണ് ആത്മഹത്യയിലേക്ക് നയിച്ചത് എന്നാണ് പോലീസിന്റെ പ്രാഥമിക നിഗമനം. അസ്വാഭാവിക മരണത്തിന് കേസെടുത്ത് കുളത്തുപ്പുഴയിൽ അന്വേഷണം ആരംഭിച്ചു. പോസ്റ്റ്മോർട്ടം നടപടികൾ പൂർത്തിയാക്കി പെൺകുട്ടിയുടെ മൃതദേഹം ബന്ധുക്കൾക്ക് വിട്ടു നൽകി.
