കല്ലടയാറ്റിൽ കുളിക്കാൻ ഇറങ്ങിയ ആൾ ഒഴുക്കിൽപ്പെട്ട് മരിച്ചു

Advertisement

കൊല്ലം :പുനലൂരിൽ കല്ലടയാറ്റിൽ കുളിക്കാൻ ഇറങ്ങി ഒഴുക്കിപ്പെട്ടയാൾ മരിച്ചു.
റ്റി ബി ജംഗ്ഷന് സമീപം സ്നാനഘട്ട കടവിന്റെ ഭാഗത്ത് വച്ചാണ് കോമളംകുന്ന് സ്വദേശി സുരേഷിനെ കാണാതായത്. സ്കൂബ സംഘം നടത്തിയ തിരച്ചിലിലാണ് സുരേഷിന്റെ മൃതദേഹം കണ്ടെത്തിയത്. രാവിലെ 10 മണിയോടെ ഒഴുക്കിൽപ്പെട്ട സുരേഷിനെ രക്ഷപ്പെടുത്താൻ സമീപത്തുണ്ടായിരുന്നയാൾ ശ്രമിച്ചെങ്കിലും കഴിഞ്ഞില്ല. 3 മണിക്കൂറിനു ശേഷം ആറ്റിൽ നിന്ന് മൃതദേഹം കണ്ടെത്തുകയായിരുന്നു. അഗ്നിശമനസേന, പോലീസ്, നാട്ടുകാർ ഉൾപ്പെടെ തിരച്ചിലിൽ ഉണ്ടായിരുന്നു.