കരുനാഗപ്പള്ളി . ഗോവയിൽ നിന്ന് കടത്തിക്കൊണ്ടുവന്ന് രഹസ്യമായി വിൽപ്പന നടത്തി വന്ന ഗോവൻ വിദേശ മദ്യം പിടികൂടി. കരുനാഗപ്പള്ളി ആയിരംതെങ്ങ്- അഴീക്കൽ പാലത്തിന് വടക്കുവശം വാടകയ്ക്ക് താമസിക്കുന്ന ശ്രുതി നിവാസിൽ എഡ്വേർഡ് അലക്സാണ്ടർ മകൻ അനന്തു ലാലിനെയാണ്(28) കരുനാഗപ്പള്ളി എക്സൈസ് റേഞ്ച് പാർട്ടി നടത്തിയ റെയ്ഡിൽ പിടികൂടിയത്.
ഇയാൾ അറിയപ്പെടുന്ന യൂട്യൂബറും കർണാടകത്തിലെ വിദ്യാഭ്യാസ സ്ഥാപനങ്ങളിൽ അഡ്മിഷന്റെ കോർഡിനേറ്ററും ആണെന്ന് പറയപ്പെടുന്നു. വീട്ടിൽ നടത്തിയ പരിശോധനയിലാണ് കിടപ്പുമുറിയിൽ നിന്നും ഗോവൻ മദ്യം കണ്ടെടുത്തത്. ഇയാൾ താമസിച്ചിരുന്ന വീടിനു മുൻവശം പാർക്ക് ചെയ്തിരുന്ന കെഎൽ 0 7 CB
0 8 4 6
i 20 വാഹനത്തിൽ നിന്ന് കേരളത്തിൽ വിൽപ്പന നിരോധിച്ചിട്ടുള്ള 40 പാക്കറ്റ് (13 കിലോ ഗ്രാം )
പാൻ മസാലയും വിൽപ്പനയ്ക്കായി സൂക്ഷിച്ചിരുന്ന 10 കുപ്പി മദ്യവും കണ്ടെടുത്ത് വാഹനവും കസ്റ്റഡിയിലെടുത്തു. ഓണക്കാലത്തിന് മുന്നോടിയായി കേരളത്തിന് പുറത്തുനിന്ന് കുറഞ്ഞ വിലക്കുള്ള മദ്യം കടത്തിക്കൊണ്ടുവരുന്നതായ കൊല്ലം എക്സൈസ് ഇന്റലിജൻസിന്റെ വിവരത്തെ തുടർന്നാണ് റെയ്ഡ് നടന്നത്. പരിശോധനയിൽ എക്സൈസ് റേഞ്ച് ഇൻസ്പെക്ടർ ലതീഷ് എസ്,എക്സൈസ് ഇൻസ്പെക്ടർ (ഗ്രേഡ്) മനോജ് കുമാർ,അസിസ്റ്റന്റ് എക്സൈസ് ഇൻസ്പെക്ടർ എബിമോൻ കെ വി, ഐ ബി പ്രിവന്റിവ് ഓഫീസർ മനു ആർ, സിവിൽ എക്സൈസ് ഓഫീസർമാരായ കിഷോർ, അഭിലാഷ്, മോളി, പ്രിയങ്ക, ജയലക്ഷ്മി എന്നിവർ നേതൃത്വം നൽകി.
താലൂക്കിൽ ലഹരിപദാർത്ഥങ്ങളുടെ അനധികൃത ഉൽപാദനം ഉപഭോഗം വിതരണം സംബന്ധിച്ച വിവരങ്ങൾ അറിയിക്കേണ്ട നമ്പർ
0 4 7 6 2 630 831
