പടിഞ്ഞാറെ കല്ലടയിൽ പൂക്കളുടെ വിളവെടുപ്പ് തുടങ്ങി

Advertisement

പടിഞ്ഞാറെ കല്ലട .പഞ്ചായത്തും കൃഷിഭവനും കൃഷികൂട്ടങ്ങളുടെ സഹായത്തോടെ നടപ്പിലാക്കുന്ന പൂകൃഷിയുടെ വിളവെടുപ്പ് ആരംഭിച്ചു. ഐത്തോട്ടുവാ ഹരിതം ഗ്രൂപ്പ്‌ വിളയിച്ച ജമന്തി, വാടാമല്ലി എന്നിവയുടെ വിളവെടുപ്പാണ് ആരംഭിച്ചത്. പഞ്ചായത്ത്‌ പ്രസിഡന്റ് ഡോ. സി. ഉണ്ണികൃഷ്ണൻ ഉത്ഘാടനം ചെയ്‌തു. വാർഡ് മെമ്പർ എൻ. ഓമനക്കുട്ടൻപിള്ള അധ്യക്ഷനായി. കൃഷിഓഫീസർ ശ്രീജിത്ത്‌ സ്വാഗതം ആശംസിച്ചു. സ്റ്റാൻഡിങ് കമ്മറ്റി ചെയർമാൻ കെ. സുധീർ, ഹെഡ് ക്ലർക്ക് രജീഷ്, ഹരിതം ഗ്രൂപ്പ്‌ അംഗങ്ങളായ കൃഷ്ണകുമാർ മാതിരംപള്ളി, രാജേന്ദ്രൻ, കൃഷ്ണകുമാർ പ്ലാനിലത്തിൽ, തുടങ്ങിയവരും കൃഷി വകുപ്പിലെ ഉദ്യോഗസ്ഥരും സന്നിഹിതരായിരുന്നു. ഹരിതം ഗ്രൂപ്പ്‌ സെക്രട്ടറി ദിലീപ് നന്ദി പറഞ്ഞു.