Advertisement
കൊല്ലം: ബാറില്‍ അക്രമം നടത്തിയ പ്രതികളെ പോലീസ് പിടികൂടി. ശക്തികുളങ്ങര, കണിയാങ്കട, സജു ഭവനില്‍ സനു (27), ശക്തികുളങ്ങര, മീനത്ത് ചേരി, റോബര്‍ട്ട് വിലാസത്തില്‍, റോയി (40), ശക്തികുളങ്ങര, കണിയാങ്കട പള്ളി പുരയിടത്തില്‍ മൂസ എന്ന ജോര്‍ജ് (41) എന്നിവരാണ് ശക്തികുളങ്ങര പോലീസിന്റെ പിടിയിലായത്.
ശനിയാഴ്ച രാത്രി കാവനാടുള്ള ബാറില്‍ മദ്യപിക്കാനെത്തിയ പ്രതികള്‍ ശക്തികുളങ്ങര സ്വദേശിയായ അഭിജിത്തുമായി വാക്ക്തര്‍ക്കമുണ്ടായി. തുടര്‍ന്ന് പ്രതികള്‍ അഭിജിത്തിനെ ക്രൂരമായി മര്‍ദ്ദിക്കുകയും ബിയര്‍ കുപ്പി ഉപയോഗിച്ച് തലക്കടിച്ച് മുറിവേല്‍പ്പിക്കുകയും ചെയ്തു. ശക്തികുളങ്ങര പോലീസില്‍ നല്‍കിയ പരാതിയുടെ അടിസ്ഥാനത്തില്‍ കേസ് രജിസ്റ്റര്‍ ചെയ്ത് പ്രതികളെ അറസ്റ്റ് ചെയ്യുകയായിരുന്നു.
Advertisement