Advertisement
കൊല്ലം: കിണറ്റില്‍ വീണ് പ്രാണന് വേണ്ടി പിടഞ്ഞ വയോധികയ്ക്ക് രക്ഷകരായി അഞ്ചാലുംമൂട് പോലീസ്. അഞ്ചാംലുംമൂട് ആനെച്ചുട്ടമുക്കില്‍ ഇന്നലെ രാവിലെ 9ന് ആണ് സംഭവം നടന്നത്. വിവരം അറിഞ്ഞ ഉടന്‍ ഇന്‍സ്‌പെക്ടര്‍ ധര്‍മജിത്തിന്റെ നിര്‍ദ്ദേശപ്രകാരം എസ്‌ഐ സഞ്ചയന്‍, എഎസ്‌ഐ രാജേഷ് കുമാര്‍ സിപിഒ ശിവകുമാര്‍, ഡ്രൈവര്‍ എഎസ്‌ഐ അനൂജ് എന്നിവര്‍ സംഭവ സ്ഥലത്തേക്ക് പുറപ്പെട്ടു. സ്ഥലത്ത് എത്തിയ പോലീസ് സംഘം കാണുന്നത് കിണറ്റില്‍ മുങ്ങി താഴുന്ന വയോധികയെ ആണ്. ഫയര്‍ ഫോഴ്‌സ് വരുന്നതുവരെ സമയം പാഴാക്കാന്‍ ഇല്ലെന്ന് മനസിലാക്കിയ അഞ്ചാലുംമൂട് പോലീസ് സബ്ബ് ഇന്‍സ്‌പെക്ടര്‍ സഞ്ചയന്‍ ഉടന്‍ കിണറ്റിലേക്ക് ഇറങ്ങി വയോധികയുടെ ജീവന്‍ രക്ഷിക്കുകയായിരുന്നു. തുടര്‍ന്ന് സ്ഥലത്ത് എത്തിയ ഫയര്‍ ഫോഴ്‌സ് ഉദ്യോഗസ്ഥരുടെ സഹായത്തോടെ വയോധികയെ പുറത്ത് എത്തിക്കുകയും ചെയ്തു.
Advertisement