Advertisement
കൊല്ലം: ക്ഷേത്രത്തിലെ കാണിക്കവഞ്ചി തകര്‍ത്ത് മോഷണം നടത്തിയ പ്രതികള്‍ പോലീസിന്റെ പിടിയിലായി. മയ്യനാട്, താന്നി സുനാമി ഫ്‌ളാറ്റില്‍, അനില്‍ (23), മയ്യനാട്, താന്നി സുനാമി ഫ്‌ളാറ്റില്‍, അനന്തു (28), മയ്യനാട് ധവളക്കുഴി സുനാമി ഫ്‌ളാറ്റില്‍ ലാലു (29) എന്നിവരാണ് ഇരവിപുരം പോലീസിന്റെ പിടിയിലായത്.
മയ്യനാട് വലിയതോട്ടത്തുകാവ് ശ്രീമഹാദേവ ക്ഷേത്രത്തിന്റെ മുന്‍വശത്തെ റോഡില്‍ സ്ഥാപിച്ചിരുന്ന കാണിക്കവഞ്ചിയുടെ പൂട്ട് തകര്‍ത്ത് പണവുമായി പ്രതികള്‍ കടന്നുകളയുകയായിരുന്നു. ക്ഷേത്ര കമ്മിറ്റി ഭാരവാഹിയായ സന്തോഷ് നല്‍കിയ പരാതിയില്‍ ഇരവിപുരം പോലീസ് കേസ് രജിസ്റ്റര്‍ ചെയ്ത് നടത്തിയ അന്വേഷണത്തില്‍ പ്രതികളെ തിരിച്ചറിയുകയും പിന്നീട് ഇവരെ കണ്ടെത്തി അറസ്റ്റ് ചെയ്യുകയുമായിരുന്നു. പ്രതികള്‍ക്കെതിരെ മറ്റു ക്രിമിനല്‍ കേസുകള്‍ നിലവിലുണ്ട്.
Advertisement