Advertisement
കൊല്ലം: കടയ്ക്കലില്‍ സ്വകാര്യ ബസിടിച്ച് റോഡില്‍ വീണ ബൈക്ക് യാത്രികന്‍ ടിപ്പര്‍ ലോറി കയറിയിറങ്ങി മരിച്ചു. മുക്കുന്നം കല്ലുതേരി സ്വദേശിയായ സക്കീര്‍ ഹുസൈനാണ് മരിച്ചത്. കഴിഞ്ഞ ദിവസം രാവിലെ ഏഴ് മണിയോടെ ദര്‍ഭക്കാടിന് സമീപത്താണ് അപകടമുണ്ടായത്.
ടിപ്പറും ബൈക്കും സ്വകാര്യ ബസും ഒരേ ദിശയിലാണ് എത്തിയത്. ടിപ്പറിനെ മറികടന്ന് മുന്നോട്ടു പോകാന്‍ ശ്രമിച്ച ബൈക്കില്‍ പിന്നാലെ അമിത വേഗതയില്‍ എത്തിയ ബസ് ഇടിക്കുകയായിരുന്നു. ഗുരുതരമായിപരിക്കേറ്റ സക്കീര്‍ ഹുസൈന്‍ സംഭവ സ്ഥലത്തുതന്നെ മരിച്ചു. മൃതദേഹം കടയ്ക്കല്‍ താലൂക്ക് ആശുപത്രിയിലേക്ക് മാറ്റി. പ്രവാസിയായ സക്കീര്‍ ഹുസൈന്‍ ഒരു മാസം മുമ്പാണ് നാട്ടില്‍ എത്തിയത്.
Advertisement
