ശാസ്താംകോട്ട:പടിഞ്ഞാറെ കല്ലടയിൽ നിർമ്മാണം പൂർത്തീകരിച്ച കാരുവള്ളിൽ ഗോപാല പിള്ള സ്മാരക കോൺഗ്രസ് ഭവന്റെ ഉദ്ഘാടനം ശനിയാഴ്ച നടക്കും.രാവിലെ 10.30 ന് എഐസിസി ജനറൽ സെക്രട്ടറിയും കോൺഗ്രസ് വർക്കിംഗ് കമ്മിറ്റിയംഗവുമായ കെ.സി വേണുഗോപാൽ എം.പി ഉദ്ഘാടനം ചെയ്യും.ജി.യേശുദാസന്റെ സ്മരണയ്ക്കായി മന്ദിരത്തിൽ നിർമ്മിച്ച ഹാളിന്റെ സമർപ്പണം എഐസിസി വർക്കിംഗ് കമ്മിറ്റിയംഗം കൊടിക്കുന്നിൽ സുരേഷ് എം.പി നിർവഹിക്കും.
എംഎൽഎമാരായ പി.സി വിഷ്ണു നാഥ്,സി.ആർ മഹേഷ്,ഡിസിസി പ്രസിഡന്റ് പി.രാജേന്ദ്ര പ്രസാദ്,കോൺഗ്രസ് രാഷ്ട്രീയകാര്യ സമിതി അംഗങ്ങളായ ഡോ.ശൂരനാട് രാജശേഖരൻ,അഡ്വ.ബിന്ദു കൃഷ്ണ,കെപിസിസി ജനറൽ സെക്രട്ടറിമാരായ അഡ്വ.പഴകുളം മധു, എം.എം നസീർ,യുഡിഎഫ് ജില്ലാ ചെയർമാൻ കെ.സി രാജൻ,ഐഎൻടിയുസി സംസ്ഥാന പ്രസിഡന്റ് ആർ.ചന്ദ്രശേഖരൻ,കെപിസിസി സെക്രട്ടറി അഡ്വ.പി.ജർമിയാസ്,അംഗം എം.വി ശശി കുമാരൻ നായർ,ബ്ലോക്ക് പ്രസിഡന്റ് വൈ.ഷാജഹാൻ,ഡിസിസിയുടെയും പോഷക സംഘടനകളുടെയും നേതാക്കൾ എന്നിവർ പങ്കെടുക്കും.കോൺഗ്രസ് നേതാവും സ്വാതന്ത്ര്യ സമര സേനാനിയും ദീർഘകാലം പടിഞ്ഞാറെ കല്ലട ഗ്രാമ പഞ്ചായത്ത് പ്രസിഡന്റും പടിഞ്ഞാറെ കല്ലട സർവ്വീസ് സഹകരണ ബാങ്കിന്റെ സ്ഥാപക പ്രസിഡന്റും പ്രമുഖ സഹകാരിയുമായിരുന്ന കാരുവളളിൽ ഗോപാല പിള്ളയുടെ സ്മാരകമായാണ് കോൺഗ്രസ് ഭവൻ നിർമ്മിച്ചിരിക്കുന്നത്.നടുവിലക്കര വാർഡിൽ 1400 ചതുരശ്ര അടി വിസ്തീർണത്തിൽ 25 ലക്ഷം രൂപ ചെലവഴിച്ചാണ് മന്ദിരത്തിന്റെ നിർമ്മാണം നടത്തിയതെന്ന് നിർമ്മാണ കമ്മിറ്റി ചെയർമാൻ കല്ലട ഗിരീഷ്,കൺവീനർ കടപുഴ മാധവൻ പിള്ള,കെപിസിസി നിർവ്വാഹക സമിതി അംഗം എം.വി ശശികുമാരൻ നായർ,കോൺഗ്രസ് ബ്ലോക്ക് പ്രസിഡന്റ് വൈ.ഷാജഹാൻ എന്നിവർ അറിയിച്ചു.
