ശാസ്താംകോട്ട:പടിഞ്ഞാറെകല്ലട പഞ്ചായത്തിലെ രൂക്ഷമായ യാത്രാദുരിതത്തിന് പരിഹാരമാകൻ
കൊല്ലം കെഎസ്ആർടിസി ഡിപ്പോയിൽ നിന്നും നെൽപ്പുരക്കുന്ന് വഴി വണ്ടാനത്തേക്ക് പുതിയൊരു
ബസ് കൂടി സർവ്വീസ് ആരംഭിച്ചു.
ഗ്രാമപഞ്ചായത്തിന്റെയും വിവിധ സംഘടനകളുടെയും ആവശ്യം പരിഗണിച്ച് കോവൂർ കുഞ്ഞുമോൻ എംഎൽഎയുടെ ശ്രമഫലമായാണ് സർവ്വീസ് ആരംഭിച്ചത്.വെസ്റ്റ്‌ കല്ലട ഹയർ സെക്കൻഡറി സ്കൂളിലെ കുട്ടികൾക്ക് കൂടി പ്രയോജനപ്പെടുന്ന തരത്തിൽ കൊല്ലം – കുണ്ടറ – നെൽപ്പുരക്കുന്ന് -കാരാളിമുക്ക് -ഭരണിക്കാവ് -ചക്കുവള്ളി -പുതിയകാവ് -കായംകുളം -വണ്ടാനം മെഡിക്കൽ കോളേജ് ആശുപത്രിയിലേക്കാണ്സർവീസ് ആരംഭിച്ചത്.ബസ് സർവീസിന്റെ ഉദ്ഘാടനം കാരാളിമുക്ക് ജംഗ്ഷനിൽ കോവൂർ കുഞ്ഞുമോൻ എംഎൽഎ ഫ്ലാഗ് ഓഫ് ചെയ്ത് നിർവ്വഹിച്ചു.ഗ്രാമ പഞ്ചായത്ത് പ്രസിഡന്റ് ഡോ.സി.ഉണ്ണികൃഷ്ണൻ അധ്യക്ഷത വഹിച്ചു.സ്റ്റാന്റിംഗ് കമ്മിറ്റി ചെയർമാൻമാരായ ഉഷാലയം ശിവരാജൻ,കെ.സുധീർ,ജെ.അംബികകുമാരി,ബ്ലോക്ക് വികസന ചെയർമാൻ രതീഷ്,എ.റ്റി.ഒ ആനന്ദക്കുട്ടൻ,ഗ്രാമ പഞ്ചായത്ത് മെമ്പർ സുനിത ദാസ്,മുത്തലിഫ് മുല്ലമംഗലം,കെ.അനിൽ, തുടങ്ങിയവർ പങ്കെടുത്തു.
