Advertisement
കുളത്തൂപ്പുഴ: കുളത്തൂപ്പുഴ റെയിഞ്ച് പരിധിയില്‍ ഉള്‍പ്പെട്ട രണ്ട് വീടുകളില്‍ നിന്ന് വര്‍ഷങ്ങള്‍ പഴക്കമുള്ള ചന്ദന മരങ്ങള്‍ മോഷ്ടാക്കള്‍ മുറിച്ചു കടത്തി. ചോഴിയക്കോട് അരുണ്‍ സദനത്തില്‍ ചന്ദ്രിക, ചോഴിയക്കോട് അരിപ്പ പ്രസന്ന വിലാസത്തില്‍ പ്രിയദര്‍ശിനി എന്നിവരുടെ വസ്തുവില്‍ നിന്ന ചന്ദന മരങ്ങള്‍ ആണ് രാത്രി മോഷ്ടാക്കള്‍ മുറിച്ചു കടത്തിയത്.
കഴിഞ്ഞ ദിവസം രാവിലെയാണ് വീട്ടുകാര്‍ വിവരം അറിയുന്നത്. തുടര്‍ന്ന് കുളത്തൂപ്പുഴ റെയിഞ്ച് ഓഫീസിലും കുളത്തൂപ്പുഴ പോലീസിലും വിവരം അറിയിക്കുകയായിരുന്നു. വസ്തുവും പരിസരവും നന്നായി അറിയുന്നവരാകാം മോഷ്ടാക്കളെന്നും പ്രതികളെ കണ്ടെത്താന്‍ അന്വേഷണം ഊര്‍ജ്ജിതമാക്കിയതായും റെയിഞ്ച് ഓഫീസര്‍ അരുണ്‍ അറിയിച്ചു.
Advertisement
