Advertisement
ചടയമംഗലം: ചടയമംഗലത്ത് അയല്‍വാസിയായ സ്ത്രീയെ ആക്രമിച്ച 44-കാരനെ പോലീസ് അറസ്റ്റ് ചെയ്തു. ചടയമംഗലം കൊല്ലോണം ഗോകുലത്തില്‍ ഗോപകുമാര്‍ ആണ് ചടയമംഗലം പോലീസിന്റെ പിടിയിലായത്. കൊല്ലോണത്ത് താമസിക്കുന്ന വീട്ടമ്മ വഴിയില്‍ കൂടെ നടന്നുവരുന്ന സമയത്ത് പിറകെ എത്തിയ പ്രതി മദ്യപിക്കുവാനായി 500 രൂപ കടം ചോദിച്ചു. പണമില്ലെന്ന് പറഞ്ഞ വീട്ടമ്മയെ പ്രതി ആക്രമിക്കുകയായിരുന്നു.
ആക്രമണത്തില്‍ വീട്ടമ്മയുടെ പല്ലുകള്‍ക്ക് കേടുപാടുകള്‍ സംഭവിച്ചു. ഇവരുടെ പരാതിയിന്മേല്‍ കേസെടുത്ത ചടയമംഗലം പോലീസ് സ്ഥലത്തെത്തുകയും പ്രതിയെ പിടികൂടുകയുമായിരുന്നു. മദ്യപിച്ച് അക്രമാസക്തനായ പ്രതി പോലീസിനെയും ദൃശ്യം പകര്‍ത്തുവാന്‍ ശ്രമിച്ച മാധ്യമപ്രവര്‍ത്തകരെയും അസഭ്യം വിളിച്ചു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Advertisement