കടപുഴ:ശാസ്താംകോട്ട പഞ്ചായത്തിലെ കോയിക്കൽഭാഗം ഗവ.എൽ.പി സ്കൂളിൽ 30 ലക്ഷം രൂപ ചെലവിൽ നിർമ്മാണം പൂർത്തീകരിച്ച പുതിയ കെട്ടിടം ക്ഷീരവികസന- മൃഗസംരക്ഷണ വകുപ്പ് മന്ത്രി ജെ.ചിഞ്ചുറാണി നാടിന് സമർപ്പിച്ചു.കോവൂർ കുഞ്ഞുമോൻ എംഎൽഎ അധ്യക്ഷത വഹിച്ചു.ജില്ലാ പഞ്ചായത്ത് പ്രസിഡൻ്റ് പി.കെ ഗോപൻ കെട്ടിടത്തിന് കവി ഡി.വിനയചന്ദ്രൻ സ്മാരക നാമകരണം നടത്തി.എൽഎസ്എസ്
വിജയികളെ ഗ്രാമപഞ്ചായത്ത് വൈസ് പ്രസിഡൻ്റ് ഗുരുകുലം രാകേഷ് ആദരിച്ചു.എസ്എംസി സ്നേഹാദരവ് പഞ്ചായത്ത് വികസന സ്ഥിരം സമിതി അധ്യക്ഷൻ
കെ.സുധീറും പച്ചക്കറിത്തോട്ടം ഉദ്ഘാടനം വികസന സ്റ്റാൻ്റിംഗ് കമ്മിറ്റി ചെയർപേഴ്സൺ ഉഷയും ഗുരുവന്ദനം ക്ഷേമകാര്യ സ്റ്റാൻ്റിംഗ് കമ്മിറ്റി ചെയർമാൻ അനിൽ തുമ്പോടനും പ്രതിഭകളെ ആദരിക്കൽ ആർ.അജയകുമാറും വയനാട് ദുരന്തബാധിതർക്ക് കുടുക്ക സമ്പാദ്യം നൽകിയ മിഥുനെ എഇഒ സുജാ കുമാരിയും ആദരിച്ചു.സെക്രട്ടറി സീമ, മെമ്പർമാരായ ഷാനവാസ്,സജിത,പ്രീതാകുമാരി ,പ്രകാശിനി,ഷീലാകുമാരി,രാജശ്രീ
എന്നിവർ സംസാരിച്ചു.ഗ്രാമ പഞ്ചായത്ത് പ്രസിഡൻ്റ് ആർ.ഗീത സ്വാഗതവും പ്രഥമാധ്യാപിക കെ.ആർ ബീന നന്ദിയും പറഞ്ഞു
