Advertisement
കടയ്ക്കൽ:
ഓടിക്കൊണ്ടിരുന്ന കാറിനു തീപിടിച്ചു. ചിതറ മുള്ളിക്കാട് കാനൂർ പള്ളികിഴക്കതിൽ വീട്ടിൽ സജീറിന്റെ കാറിനാണ് തീപിടിച്ചത്. തിങ്കൾ രാത്രി 7.45ന് ചിതറ അയിരക്കുഴിയിലായിരുന്നു സംഭവം. സജീറും അച്ഛൻ ഷിഹാബുദീനും കാനൂരിൽനിന്ന് നിലമേലിലേക്ക് പോകുകയായിരുന്നു. കാറിന്റെ മുൻഭാഗത്തുനിന്ന് പുക ഉയരുന്നത് കണ്ട് വണ്ടി നിർത്തി ഇരുവരും പുറത്തിറങ്ങിയതിനാൽ വൻ അപകടം ഒഴിവായി. കാറിന്റെ മുൻഭാഗം പൂർണമായും കത്തിനശിച്ചു. കടയ്ക്കലിൽനിന്ന്‌ അഗ്നിരക്ഷാസേന എത്തി തീയണച്ചു.
Advertisement
