പോലീസ് പെൻഷനേഴ്സ് വെൽഫെയർ അസോസിയേഷൻ ഓണാഘോഷവും ആദരിക്കലും സംഘടിപ്പിച്ചു

Advertisement

ശാസ്താംകോട്ട:കേരള സ്റ്റേറ്റ് പോലീസ് പെൻഷനേഴ്സ് വെൽഫെയർ അസോസിയേഷൻ കുന്നത്തൂർ മേഖലാ കമ്മിറ്റിയുടെ നേതൃത്വത്തിൽ ശാസ്താംകോട്ട വ്യാപാരഭവനിൽ ഓണാഘോഷവും ആദരിക്കൽ ചടങ്ങും സംഘടിപ്പിച്ചു.സംഘടന കൊല്ലം റൂറൽ ജില്ലാ പ്രസിഡന്റ് റിട്ട.ഡിവൈഎസ്പി വരദ രാജൻ ഉദ്ഘാടനം ചെയ്തു.ചടങ്ങിൽ പോലീസ് സൂപ്രണ്ടായി സ്ഥാനക്കയറ്റം ലഭിച്ച അശോക് കുമാർ,എസ്എസ്എൽസി പരീക്ഷയിൽ ഫുൾ എപ്ലസ് കരസ്ഥമാക്കിയ അരുണിമ,അഭിജിത്ത് എന്നിവർക്ക് റിട്ട.ഡിവൈഎസ്പി ശിവസുതൻ പിള്ള,സംഘടന ജില്ലാ പ്രസിഡന്റ് വരദരാജൻ,സീനിയർ അംഗം സദാശിവൻ പിള്ള എന്നിവർ ഉപകാരങ്ങൾ സമ്മാനിച്ചു.കുന്നത്തൂർ മേഖലാ പ്രസിഡന്റ് രാമചന്ദ്രൻ അധ്യക്ഷത വഹിച്ചു.ജില്ലാ വൈസ് പ്രസിഡൻറ് സോമരാജൻ നായർ,മേഖല സെക്രട്ടറി ശിവശങ്കരപ്പിള്ള,ആഘോഷകമ്മിറ്റി ചെയർമാൻ സൈറസ് പോൾ,സീനിയറംഗം ഇബ്രാഹിം കുട്ടി തുടങ്ങിയവർ സംസാരിച്ചു.