ഈ ഓണത്തിന് കൊല്ലത്തുനിന്നൊരു കൊച്ചോണപ്പാട്ട്

Advertisement

കൊല്ലം.ആത്മജ എന്ന കൊച്ചു മിടുക്കിയുടെ ഓണപ്പാട്ട് ആണ് സമൂഹമാധ്യമങ്ങളില്‍ ശ്രദ്ധേയമാകുന്നത് . പ്രശസ്ത കവയിത്രി മീന ശൂരനാടിന്റെ വരികൾക്ക് അഞ്ചൽ വേണു സംഗീതം നൽകിയ ഓണപ്പൂക്കൂട എന്ന ഓണപ്പാട്ട് ഇതിനകം ജനഹൃദയങ്ങൾ ഏറ്റെടുത്തു കഴിഞ്ഞു.

ലോജിക് ഈവൻസിന്റെ യൂട്യൂബ് ചാനലിൽ ആണ് ഈ ഓണപ്പാട്ട് റിലീസ് ചെയ്തിരിക്കുന്നത്. മനോഹരമായ ഈ ഗാനം ആലപിച്ചിരിക്കുന്ന ആത്മജ, കൊല്ലം ഗവൺമെൻറ് ടൗൺ യുപിഎസിലെ ആറാം ക്ലാസ് വിദ്യാർത്ഥിനിയാണ്.

കൊല്ലത്തെ ലോജിക് ഈവൻസ് ആൻഡ് അഡ്വർടൈസിംഗ് സ്ഥാപനം ഉടമ ഗോപകുമാർ ലോജിക്കിന്റെയും ചവറ ഗവൺമെൻറ് എച്ച്എസ്എസ് അധ്യാപിക ജി .എസ് സരിതയുടെയും മകളായ ഈ കൊച്ചു ഗായിക കഴിഞ്ഞ കൊല്ലം ജില്ലാ സ്കൂൾ കലോത്സവത്തിൽ ശാസ്ത്രീയ സംഗീതം, ഉറുദു പദ്യം ചൊല്ലൽ എന്നിവയിൽ എ ഗ്രേഡ് കരസ്ഥമാക്കിയിട്ടുണ്ട്.