Advertisement
കുന്നത്തൂർ:കുന്നത്തൂർ പതിനൊന്നാം വാർഡിലെ ജനവാസമേഖലയിൽ എത്തിയ പെരുമ്പാമ്പിനെ പിടികൂടി.കഴിഞ്ഞ ദിവസം രാത്രിയിലാണ് സംഭവം.പ്രദേശവാസിയായ യുവാവ് വീട്ടിലേക്ക് പോകവേയാണ് നടവഴിയോട് ചേർന്നുള്ള കൈത്തോട്ടിൽ പാമ്പിനെ കണ്ടത്.ഉടൻ തന്നെ പരിസരവാസികളെ വിവരം അറിയിച്ചു.പരിഭ്രാന്തിയിലായ നാട്ടുകാർ പാമ്പിനെ കണ്ട ഭാഗത്ത് തടിച്ചുകൂടി.
തുടർന്ന് സൈനികനായ ഗോകുൽ കൃഷ്ണൻ വനം വകുപ്പിൻ്റെ കോന്നി ഡിവിഷനിൽ വിവരമറിയിച്ചു.ഇവരുടെ നിർദ്ദേശപ്രകാരം കൊല്ലം അഞ്ചാലുംമൂട്ടിൽ നിന്നെത്തിയ പാമ്പ് പിടുത്തക്കാർ രാത്രി 12 ഓടെ പെരുമ്പാമ്പിനെ പിടികൂടുകയായിരുന്നു.
Advertisement
