ശാസ്താംകോട്ട: വയനാട് ദുരന്തത്തിൽ ഫണ്ട് അനുവദിക്കാത്ത കേന്ദ്ര സർക്കാർ നടപടിയിൽ പ്രതിഷേധിച്ചും ദുരിതാശ്വാസ ഫണ്ടിൽ കള്ള കണക്കും ഫണ്ട് തിരി മിറ്റിയും നടത്തുന്ന സംസ്ഥാന സർക്കാർ നടപടിയിൽ പ്രതിഷേധിച്ചും കോൺഗ്രസ്സ് സംസ്ഥാന വ്യാപകമായി മണ്ഡലം തലത്തിൽ പ്രതിഷേധ പ്രകടനവും യോഗവും നടത്തി വഞ്ചനാദിനം ആചരിച്ചു. മൈനാഗപ്പള്ളി പടിഞ്ഞാറ് മണ്ഡലം കമ്മറ്റി പള്ളിമുക്കിൽ നിന്ന് മൈനാഗപ്പള്ളി പുത്തൻ ചന്തയിലേക്ക് പ്രതിഷേധ പ്രകടനവും യോഗവും നടത്തി. മണ്ഡലം പ്രസിഡന്റ് വർഗ്ഗീസ് തരകൻ അദ്ധ്യക്ഷത വഹിച്ചു. ബ്ലോക്ക് പ്രസിഡന്റ്
വൈ. ഷാജഹാൻ ഉദ്ഘാടനം ചെയ്തു.ഡി.സി.സി ജനറൽ സെക്രട്ടറി
എം.തോമസ് വൈദ്യൻ, ബ്ലോക്ക് നേതാക്കളായ സിജു കോശി വൈദ്യൻ, തടത്തിൽ സലിം, ജോൺസൻ വൈദ്യൻ, ലാലിബാബു, സുരേഷ് പുത്തൻ മഠത്തിൽ, ഉണ്ണി ഇലവിനാൽ , സുരേഷ് ചാമ വിള,രാജി രാമചന്ദ്രൻ , നിഥിൻബോ സ് , വി.രാജീവ് മൈനാഗപ്പള്ളി , സരിത്ത്, ശിവശങ്കരപിള്ള, പ്രിൻസ്,നൈനാൻ വൈദ്യൻ, അലക്സാണ്ടർ കോവൂർ തുടങ്ങിയവർ പ്രസംഗിച്ചു.
