Advertisement
ശാസ്താംകോട്ട:ശൂരനാട് വടക്ക് അഞ്ചാം വാർഡിൽ രാത്രിയിൽ കിണറ്റിൽ അകപ്പെട്ട വയോധികയെ അഗ്നി രക്ഷാ സേന രക്ഷപ്പെടുത്തി.പാതിരിക്കൽ പോണാൽപുത്തൻ വീട്ടിൽ രത്നമ്മയാണ്(87) അബദ്ധത്തിൽ കിണറ്റിൽ വീണത്.വീട്ടുവളപ്പിലെ 50 അടി താഴ്ചയുള്ള കിണറ്റിലാണ് വീണത്.കിണറിനുള്ളിൽ കയറിൽ പിടിച്ചു കിടക്കുകയായിരുന്നു.സ്ഥലത്ത് എത്തിയ ശാസ്താംകോട്ട ഫയർ സ്റ്റേഷനിലെ
സീനിയർ ഫയർ ഓഫീസർ അനിയുടെ നേതൃത്വത്തിൽ ഫയർ ആൻ്റ് റെസ്ക്യൂ ഓഫീസറായ പ്രജോഷ് റെസ്ക്യൂ ഉപകരണങ്ങളുടെ സഹായത്തോടെ കിണറ്റിൽ ഇറങ്ങുകയും നെറ്റ് ഉപയോഗിച്ച് മറ്റ് സേനാംഗങ്ങളൂടെ സഹായത്തോടെ സുരക്ഷിതമായി
കരയ്ക്കെടുക്കുകയും ചെയ്തു.ഓഫീസർമാരായ പ്രമോദ്,അജീഷ്,രാജീവൻ,ഹോം ഗാർഡുമാരായ ഉണ്ണികൃഷ്ണൻ,പ്രദീപ് എന്നിവർ രക്ഷാപ്രവർത്തനത്തിൽ പങ്കെടുത്തു.
Advertisement
