കരുനാഗപ്പള്ളി . അന്തരിച്ച സിപിഐ എം ജനറൽ സെക്രട്ടറി സീതാറാം യെച്ചൂരി കേരളത്തിൽ അവസാനമായി ഒരു പരിപാടിയിൽ പങ്കെടുത്ത കരുനാഗപ്പള്ളിയിൽ യച്ചൂരിയുടെ സ്മരണ പുതുക്കി അനുസ്മരണ പരിപാടി സംഘടിപ്പിച്ചു. ജൂലൈ 4ന് ദക്ഷിണ കേരളത്തിലെ ജില്ലകളിൽ നിന്നുള്ള സിപിഐ എം നേതൃനിരയിലെ പ്രവർത്തകർക്കായി കേന്ദ്രകമ്മിറ്റി തീരുമാനങ്ങൾ റിപ്പോർട്ട് ചെയ്യുന്നതിന് വേണ്ടിയാണ് സീതാറാം യെച്ചൂരി അവസാനമായി കരുനാഗപ്പള്ളിയിൽ എത്തിയത്. അനുസ്മരണ യോഗത്തിൽ സിപിഐ എം സംസ്ഥാന കമ്മിറ്റി അംഗം സൂസൻകോടി അധ്യക്ഷയായി. ജില്ലാ സെക്രട്ടറി എസ് സുദേവൻ, ഡിസിസി പ്രസിഡൻ്റ് പി രാജേന്ദ്രപ്രസാദ്, മുൻ മന്ത്രി മുല്ലക്കര രത്നാകരൻ, അഡ്വ കെ സോമപ്രസാദ്,പി രാമഭദ്രൻ, തൊടിയൂർ മുഹമ്മദ്കുഞ്ഞ് മൗലവി, കെ സി രാജൻ, അഡ്വ എം എസ് താര, കെ ജി രവി, സി രാധാമണി, പി ആർ വസന്തൻ, ഐ ഷിഹാബ്, എം അൻസാർ, പി കെ ജയപ്രകാശ്, ഷിഹാബ് എസ് പൈനുംമൂട് തുടങ്ങിയവർ സംസാരിച്ചു.
