കൊല്ലം: ജില്ലയിലെ നാല്പതോളം സിബിഎസ്ഇ സ്‌കൂളുകളുടെ കൂട്ടായ്മയായ വേണാട് സഹോദയ കോംപ്ലക്സ് പതിനാറാമത് കലോത്സവം 30, ഒക്ടോബര്‍ 4, 5 എന്നീ തീയതികളിലായി തഴുത്തല നാഷണല്‍ പബ്ലിക് സ്‌കൂള്‍, അഞ്ചല്‍ ശബരിഗിരി ഇംഗ്ലീഷ് സ്‌കൂള്‍ എന്നിവിടങ്ങളിലായി നടക്കും. ഇതിനായുള്ള എല്ലാ ഒരുക്കങ്ങളും പൂര്‍ത്തിയായതായി സംഘാടകര്‍ പത്രസമ്മേളനത്തില്‍ അറിയിച്ചു.
അഞ്ച് കാറ്റഗറികളിലായി അയ്യായിരത്തോളം കലാപ്രതിഭകള്‍ മുന്നൂറിലധികം മത്സര ഇനങ്ങളില്‍ മാറ്റുരക്കാനെത്തും. 30ന് രാവിലെ 9.30ന് ഓഫ് സ്റ്റേജ് ഇനങ്ങളുമായി തഴുത്തല നാഷണല്‍ പബ്ലിക് സ്‌കൂളില്‍ ഈ വര്‍ഷത്തെ വേണാട് കലോത്സവത്തിന് തുടക്കം കുറിക്കും. രാവിലെ 9.30ന് നടക്കുന്ന ചടങ്ങിന്റെ ഉദ്ഘാടനം കൊല്ലം ഡെപ്യൂട്ടി മേയര്‍ മധു നിര്‍വഹിക്കും. പ്രസിഡന്റ് ഡോ. കെ. കെ. ഷാജഹാന്‍ അധ്യക്ഷത വഹിക്കും.
കൊല്ലം ജില്ലാ അത്‌ലറ്റിക് അസോസിയേഷന്‍ ജനറല്‍ സെക്രട്ടറി ഡോ. ജയ് രാജ്, പാട്രണ്‍ ഡോക്ടര്‍ വി.കെ ജയകുമാര്‍, ജന.സെക്രട്ടറി സനല്‍.ടി.എസ് എന്നിവര്‍ പങ്കെടുക്കും.
ഒക്ടോബര്‍ 4ന് രാവിലെ 9ന് അഞ്ചല്‍ ശബരിഗിരി ഇംഗ്ലീഷ് സ്‌കൂളില്‍ വേണാട് കലോത്സവത്തിന്റെ ഉദ്ഘാടനം എന്‍.കെ പ്രേമചന്ദ്രന്‍ എംപി നിര്‍വഹിക്കും.
