Advertisement
കൊട്ടാരക്കര: കഴിഞ്ഞ ദിവസമുണ്ടായ ശക്തമായ മഴയെ തുടര്‍ന്നുണ്ടായ കാറ്റില്‍ അങ്കണവാടിയുടെ മേല്‍ക്കൂര പറന്ന് റോഡില്‍ പതിച്ചു. നെടുവത്തൂര്‍ പഞ്ചായത്തിലെ പിണറ്റിന്‍മൂട് 10-ാം വാര്‍ഡിലെ അങ്കണവാടിയുടെ ഷീറ്റ് ഉപയോഗിച്ച മേല്‍ക്കൂര ആണ് കാറ്റില്‍ കൊട്ടാരക്കര-നെടുമണ്‍ കാവ് റോഡിന് കുറുകെ വീണത്.
അങ്കണവാടി അവധി ആയിരുന്നത്തിനാലും റോഡില്‍ വാഹനം ഇല്ലാതിരുന്നതിനാലും വലിയ അപകടം ഒഴിഞ്ഞു മാറി. സ്വകാര്യ കെട്ടിടത്തിലാണ് അങ്കണവാടി പ്രവര്‍ത്തിച്ചു വന്നത്. ഫയര്‍ ഫോഴ്‌സ്, പോലീസ്, നാട്ടുകാര്‍ എന്നിവരുടെ പരിശ്രമത്തില്‍ റോഡിനു കുറുകെ കിടന്ന മേല്‍ക്കൂര എടുത്ത് മാറ്റി ഗതാഗതം പുനസ്ഥാപിച്ചു.
Advertisement
