Advertisement
ശാസ്താം കോട്ട: ശാസ്താം കോട്ട ഉപജില്ലയിലെ സ്കൂൾ പാചക തൊഴിലാളികൾക്ക് ഏപ്രൺ, ക്യാപ്പ് വിതരണം ചെയ്തു. ശാസ്താംകോട്ട റോട്ടറി ക്ലബ്ബിൻ്റെ നേതൃത്വത്തിലാണ് ഉപജില്ലയിലെ മുഴുവൻ പാചക തൊഴിലാളികൾക്കും ഏപ്രണും, ക്യാപ്പും വിതരണം ചെയ്തത്. ശാസ്താംകോട്ട ബി ആർ സി യിൽ നടന്ന പരിപാടി ബ്ലോക്ക് പഞ്ചായത്ത് പ്രസിഡന്റ് ആർ സുന്ദരേശൻ ഉദ്ഘാടനം ചെയ്തു.
ശാസ്താം കോട്ട റോട്ടറി ക്ലബ്ബ് പ്രസിഡൻ്റ് അഡ്വ സജിത് കുമാർ എസ് ജെ അധ്യക്ഷനായിരുന്നു. ഉപജില്ലാ വിദ്യാഭ്യാസ ഓഫീസർ സുജാകുമാരി പി എസ് സ്വാഗതം പറഞ്ഞു. റോട്ടറി ക്ലബ്ബ് വൈസ് പ്രസിഡന്റ് ഡി ജേക്കബ്, സെക്രട്ടറി ആർ കൃഷ്ണകുമാർ, ബി പി സി റോഷിൻ എം നായർ,നൂൺമീൽ ഓഫീസർ മനു വി കുറുപ്പ്, എച്ച് എം ഫോറം പ്രസിഡൻ്റ് ബി എസ് രാജീവ് , സെക്രട്ടറി സുബുകുമാർ റ്റി ആർ, എന്നിവർ സംസാരിച്ചു സ്റ്റാഫ് സെക്രട്ടറി സജിത് കുമാർ ജി നന്ദി രേഖപ്പെടുത്തി
