ശാസ്താംകോട്ട തടാകതീരം ശുചീകരണം കേന്ദ്ര യുവജനകാര്യ സ്പോർട്ട്സ് മന്ത്രാലയത്തിൻ്റെ സ്വച്ഛ് ഹി സേവ പദ്ധതിയുടെ ഭാഗമായി നടത്തുന്ന മാലിന്യനിർമാർജ്ജനത്തിൽ പോരുവഴി അമ്പലത്തും ഭാഗം ജയ ജ്യോതി വിഎച്ച്എസ്എസ് നാഷണൽ സർവ്വീസ് സ്കീം യൂണിറ്റ് പങ്കാളികളായി.
ശാസ്താംകോട്ട തടാകതീരം ശുചീകരിക്കുകയും പ്ലാസ്റ്റിക് മാലിന്യങ്ങൾ ശേഖരിക്കുകയും അക്കേഷ്യ തൈകൾ നീക്കം ചെയ്യുകയും ചെയ്തു.
ശാസ്താംകോട്ട ജംഗഷനിൽ നിന്നും ആരംഭിച്ച ബോധവത്കരണ റാലി തടാകതീരത്തു സമാപിച്ചു.
തുടർന്ന് നടന്ന ശുചീകരണ പ്രവർത്തനങ്ങളുടെ ഉദ്ഘാടനം ശാസ്താംകോട്ട ഗ്രാമ പഞ്ചായത്തു പ്രസിഡൻ്റ് ആർ ഗീത ഉദ്ഘാടനം ചെയ്തു.പി റ്റി എ പ്രസിഡൻ്റ് ഹാരിസ് തോപ്പിൽ അധ്യക്ഷനായി. പ്രോഗ്രാം ആഫീസർ രമേശ് എസ് സ്വാഗതം പറഞ്ഞു.
കായൽകൂട്ടായ്മ കൺവീനർ എസ് ദിലീപ് മുഖ്യപ്രഭാഷണം നടത്തി. കായൽ കൂട്ടായ്മ പ്രവർത്തകരായ സന്തോഷ്, അജിതകുമാർ, ഭൂപേഷ് വി.ഇ.ഒ വരദരാജൻ അധ്യാപകരായ സുനിൽ ജെ, ഗോപകുമാർ കെ, ആശ എന്നിവർ സംസാരിച്ചു.
വോളൻ്റിയർലീഡർമാരായ അഫ്സൽ എ , ആദിൽ, ആഷ്ന ബിലാൽഎന്നിവർ ശുചീകരണ പ്രവർത്തനങ്ങൾക്ക് നേതൃത്വം നൽകി. വോളൻ്റിയർമാർ സ്വച്ഛത ഹി സേവ പ്രതിജ്‌ഞ എടുത്തു.
