Advertisement
ശാസ്താംകോട്ട:പുതുതായി ആരംഭിക്കുന്ന കൊല്ലം – എറണാകുളം മെമ്മു സർവീസിന് മൺറോതുരുത്തിലും പെരിനാടും സ്റ്റോപ്പ് അനുവദിച്ചതായി കൊടിക്കുന്നിൽ സുരേഷ് എംപി അറിയിച്ചു.ആദ്യഘട്ടത്തിൽ സ്റ്റോപ്പുകൾ പ്രഖ്യാപിച്ചപ്പോൾ ഇരു സ്റ്റേഷനുകളിലും സ്റ്റോപ്പ് അനുവദിച്ചിരുന്നില്ല.ഹാൾട്ട് സ്റ്റേഷനിൽ കൂടി സ്റ്റോപ്പ് അനുവദിക്കണമെന്ന് ആവശ്യപ്പെട്ട് നിരവധി സ്ഥിരം യാത്രക്കാർ എം.പിയെ സമീപിച്ചിരുന്നു.ദക്ഷിണ റെയിൽവേയുടെ ചീഫ് പാസഞ്ചർ ട്രാൻസ്പോർട്ട് മാനേജരുമായി എം.പി നടത്തിയ ചർച്ചയിൽ വേണാട് എക്സ്പ്രസ് നിർത്താത്തതും യാത്രക്കാരുടെ എണ്ണം കൂടുതൽ ഉള്ളതായ സ്റ്റേഷനുകളിൽ കൂടി നിർത്തണമെന്ന് ശക്തമായി ആവശ്യപ്പെടുകയായിരുന്നു.തുടർന്ന് രാവിലെ 6.15ന് പകരം 5:55 ആയി ട്രെയിൻ പുറപ്പെടുന്ന സമയം ക്രമീകരിച്ച് മൺറോതുരുത്തിലും പെരിനാടും സ്റ്റോപ്പ് അനുവദിക്കുകയായിരുന്നു.
