ചവറ . വിദ്യാരംഗം കലാസാഹിത്യവേദി ചവറ ഉപജില്ലാ സര്‍ഗോത്സവം, സാഹിത്യ ശില്‍പശാല ഒക്ടോബര്‍ 14 തിങ്കളാഴ്ച പന്മന മനയിൽ ഗവ.എൽ.പി സ്‌കൂളില്‍ വെച്ച് നടക്കും.
ഏഴ് സാഹിത്യ മേഖലകളിലായി ഉപജില്ലയിലെ എൽ.പി.,യുപി, ഹൈസ്‌കൂള്‍ വിഭാഗങ്ങളില്‍ നിന്ന് ആയിരത്തോളം വിദ്യാര്‍ത്ഥികളും അധ്യാപകരും പങ്കെടുക്കുന്ന പരിപാടിയുടെ വിജയത്തിനായി സ്വാഗത സംഘം രൂപീകരിച്ചു.
പന്മന ഗ്രാമപഞ്ചായത്ത് വൈസ് പ്രസിഡൻറ് പന്മന ബാലകൃഷ്ണൻ യോഗം ഉദ്ഘാടനം ചെയ്തു.ഉപജില്ലാ വിദ്യാഭ്യാസ ഓഫീസർ അനിത ടി കെ അധ്യക്ഷത വഹിച്ച ചടങ്ങിൽ ആരോഗ്യ വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർമാൻ ജോർജ്ജ് ചാക്കോ , രാജീവ് കുഞ്ഞുമോൻ , എച്ച്.എം. ഇൻ ചാർജ്ജ്
വീണാറാണി ,വിദ്യാരംഗം കൺവീനർ
രാജ്ലാൽ തോട്ടുവാൽ , ജില്ലാ പ്രതിനിധി സിമി വൈ. ബുഷ്റ , രഞ്ജു മുരളീധരൻ ,രാജിമോൾ കെ , ബിജു ഡാനിയൽ , വരുൺലാൽ. എസ് ,റോജാ മാർക്കോസ് , വിദ്യാ.വി എന്നിവർ പ്രസംഗിച്ചു.
