ശാസ്താംകോട്ട:അസംഘടിത തൊഴിൽ മേഖലയിൽ പണിയെടുക്കുന്ന തയ്യൽ -നിർമ്മാണ തൊഴിലാളികളുടെ ക്ഷേമനിധി ബോർഡുകൾ പൂർണമായും തകർച്ചയുടെ വക്കിലാണെന്ന് ഐഎൻടിയുസി സംസ്ഥാന സെക്രട്ടറിയും തയ്യൽ തൊഴിലാളി കോൺഗ്രസ് സംസ്ഥാന പ്രസിഡന്റുമായ ബാബു അമ്മവീട് പറഞ്ഞു.തയ്യൽ തൊഴിലാളി കോൺഗ്രസ് ജില്ലാ നേതൃത്വ ക്യാമ്പിനോടനുബന്ധിച്ച് നടന്ന സ്വാഗതസംഘ രൂപീകരണം ഭരണിക്കാവ് കോൺഗ്രസ് ഭവനിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹംജില്ലാ പ്രസിഡന്റ് സബീർ വവ്വാക്കാവ് അദ്ധ്യക്ഷത വഹിച്ചു.സംസ്ഥാന -ജില്ലാ ഭാരവാഹികളായ ശുഭകുമാരി ദ്വാരക,വിനോദ് വാവ,ശൂരനാട് വടക്ക് പഞ്ചായത്ത് അംഗം ദിലീപ്,ശകുന്തള അമ്മവീട്,രാജു.ജി,ജലജാ ശിവശങ്കരൻ,ഗീതാ കുമാരി,ആനുക്കാവ് നിഷ,സുബൈദ റസാക്ക്,മൈതാനത് വിജയൻ,ടി.കെ സുരേന്ദ്രൻ,ബീന,സാലിക എന്നിവർ സംസാരിച്ചു.സംസ്ഥാന വൈസ് പ്രസിഡന്റ് ശൂരനാട് സരസചന്ദ്രൻപിള്ള ചെയർമാനായി 51 അംഗഎക്സിക്യൂട്ടീവ് കമ്മിറ്റിയെ യോഗം തെരഞ്ഞെടുത്തു.
