Advertisement
class="td-all-devices">
ചാത്തന്നൂര്‍: വാട്ടര്‍ മീറ്റര്‍ മോഷ്ടിച്ച കേസില്‍ മൂന്ന്‌പേരെ പാരിപ്പള്ളി പോലീസ് പിടികൂടി. വാളത്തുങ്കല്‍ പുത്തന്‍ചന്ത കരാളി തൊടിയില്‍ വീട്ടില്‍ സബീര്‍ (36), കല്ലമ്പലം മാവിന്‍മൂട്
കുന്നുവിള പുത്തന്‍വീട്ടില്‍ മഞ്ചേഷ് (27), തമിഴ്‌നാട് തൂത്തുകുടി, കോവില്‍പ്പെട്ടി സാവല്‍പേരി ഈസ്റ്റ് സ്ട്രീറ്റില്‍ (181/1) ബാബു (33) എന്നിവരെയാണ് പോലീസ് അറസ്റ്റ് ചെയ്തത്.
ഇന്നലെ പുലര്‍ച്ചെ ഒരു മണിയോടെ പാരിപ്പള്ളി കുളമടയില്‍ റോഡില്‍ കൂടി നടന്ന് പോയ ഇവരെ സംശത്തിന്റെ പേരില്‍ നാട്ടുകാര്‍ തടഞ്ഞു നിര്‍ത്തി പോലീസില്‍ ഏല്‍പ്പിക്കുകയായിരുന്നു. തുടര്‍ന്ന് നടന്ന ചോദ്യം ചെയ്യലില്‍ ആണ് ഇവര്‍ മീറ്ററുകള്‍ മോഷണം നടത്തുന്നതായി പോലീസിന് ബോധ്യപ്പെട്ടത്. സബീര്‍, മഞ്ചേഷ് എന്നിവര്‍ ചേര്‍ന്ന് മീറ്ററുകള്‍ മോഷ്ടിക്കുകയും തമിഴ്‌നാട് സ്വദേശിയായ ബാബുവിന്റെ ആക്രികടയില്‍ വില്‍ക്കുകയായിരുന്നു പതിവ്. മോഷ്ടാക്കളില്‍ നിന്നും ആറു മീറ്ററുകളും കടയില്‍ നിന്നും 25 മീറ്ററുകളും പിടികൂടി. പ്രതികളെ കോടതിയില്‍ ഹാജരാക്കി റിമാന്റ് ചെയ്തു.