കരുനാഗപ്പള്ളി കെ.എസ്.ആർ.ടി.സി ഡിപ്പോയുടെ പശ്ചാത്തല സൗകര്യങ്ങൾ മെച്ചപ്പെടുത്തുന്നതിനും ഗ്രാമീണ മേഖലയിലെ ഗതാഗത സൗകര്യം മെച്ചപ്പെടുത്തുന്നതിനായി ഗതാഗത വകുപ്പ് മന്ത്രികെ ബി ഗണേഷ്‌കുമാർ ന്റെ അധ്യക്ഷതയിൽ സി ആർ മഹേഷ് എം എൽ എ യുടെ സാന്നിധ്യത്തിൽ യോഗം ചേർന്നു.
കരുനാഗപ്പള്ളി-മാവേലിക്കര -കോട്ടയം -വഴി തൃശൂർ ഫാസ്റ്റ് പാസഞ്ചർ ബസ് സർവ്വീസ് ആരംഭിക്കാൻ തീരുമാനമായി.
എസ് വ്വി എച്ച് എസ് ക്ലാപ്പന -കരുനാഗപ്പള്ളി,
തഴവ ഗവആർട്സ് ആൻഡ് സയൻസ് കോളേജ് കരുനാഗപ്പള്ളി ഐ എച് ആർ ഡി എഞ്ചിനിയറിങ് കോളേജ് , മഠത്തിൽബി ജെ എസ് എം സ്‌കൂൾ എന്നിവടങ്ങളിലേക്കു ബസ് സർവീസ് ഒരു മാസത്തേക്ക് ട്രയൽ റൺ നടത്താൻ തീരുമാനിച്ചു. ലാഭകരമായാൽ സർവീസ് തുടരും .
കരുനാഗപ്പള്ളി കെ എസ് ആർ ടി സി വക സ്ഥലത്തു അത്യാധുനിക സൗകര്യങ്ങളോടു കൂടിയ ഷോപ്പിങ് മന്ദിരം നിർമിക്കാൻ തീരുമാനമായി .ആയതിന്റെ പരിശോധനക്കായി കെ എസ് ആർ ടി സി മാനേജിങ് ഡയറക്ടർ ഒക്ടോബർ 17നു കരുനാഗപ്പള്ളി ഡിപ്പോയിൽ സന്ദർശനം നടത്തും.
KSRTC കരുനാഗപ്പള്ളി ഡിപ്പോ സ്മാർട്ട് ആക്കുന്നതിനു 7.25 ലക്ഷം രൂപ എം.എൽ.എ.ഫണ്ട് അനുവദിച്ച വിവരം എം.എൽ.എഗതാഗത വകുപ്പ് മന്ത്രിയെ അറിയിച്ചു .
മിനി ബസ് വരുന്നതോടു കൂടി കൂടുതൽ ഗ്രാമീണ സർവീസുകൾ അനുവദിക്കാമെന്ന് മന്ത്രി ഉറപ്പു നൽകിയതായി സി ആർ മഹേഷ് എംഎൽഎ അറിയിച്ചു. കെഎസ്ആർടിസി മാനേജിംഗ് ഡയറക്ടർ പ്രമോദ് ശങ്കർ, എക്സിക്യൂട്ടീവ് ഡയറക്ടർ പ്രദീപ്, എ ടി ഒ അബ്ദുൽ നിഷാർ, ആനന്ദക്കുട്ടൻ തുടങ്ങിയവർ പങ്കെടുത്തു
