Advertisement
ശസ്താംകോട്ട:കല്ലടയാറ്റിലെ ഓളപ്പരപ്പുകളിൽ വർണ വിസ്മയം സൃഷ്ടിച്ച് വള്ളംകളി പ്രേമികളിൽ ആവേശം വിതയ്ക്കാൻ കല്ലട ജലോത്സവം ശനിയാഴ്ച പകൽ 2മുതൽ നടക്കും.കല്ലടയാറ്റിലെ മുതിരപ്പറമ്പ്- കാരൂത്രക്കടവ് നെട്ടായത്തിലാണ് ജലോത്സവം നടക്കുന്നത്.മന്ത്രി ജെ.ചിഞ്ചുറാണി ഉദ്ഘാടനം ചെയ്യും.കോവൂർ കുഞ്ഞുമോൻ എംഎൽഎ അധ്യക്ഷത വഹിക്കും.ജലോത്സവ കമ്മിറ്റി ചെയർപേഴ്സണും മൺറോതുരുത്ത് പഞ്ചായത്ത് പ്രസിഡൻ്റുമായ മിനി സൂര്യകുമാർ പതാക ഉയർത്തും.ജലഘോഷയാത്രയുടെ ഉദ്ഘാടനം പി.സി വിഷ്ണുനാഥ് എംഎൽഎയും ശിക്കാരവള്ളങ്ങളുടെ ഘോഷയാത്ര ഉദ്ഘാടനം സി.ആർ മഹേഷ് എംഎൽഎയും നിർവഹിക്കും.മുൻ കേന്ദ്ര മന്ത്രി വി.മുരളീധരൻ, മുൻ മന്ത്രി ജെ.മേഴ്സിക്കുട്ടിയമ്മ എന്നിവർ വിശിഷ്ടാതിഥികളാകും.വൈകിട്ട് 4 മുതൽ ഫൈനൽ നടക്കും.5.30ന് സമ്മാനദാനവും ബോണസ് വിതരണവും കൊടിക്കുന്നിൽ സുരേഷ് എം.പി നിർവഹിക്കും.
Advertisement
