Advertisement
class="td-all-devices">
ശാസ്താംകോട്ട.വിവിധ മേഖലകളിൽ കഴിവ് തെളിയിച്ചിട്ടുള്ള കുട്ടി പ്രതിഭകൾക്ക് ഡോക്ടർ എപിജെ അബ്ദുൽ കലാം സ്റ്റഡി സെന്റർ നൽകുന്ന ദേശീയ ബാലപ്രതിഭ പുരസ്കാരം നാലാം ക്ലാസുകാരിയായ ഭവിക ലക്ഷ്മിക്ക് ലഭിച്ചു. ദേശീയ വിദ്യാർത്ഥി ദിനമായ ഒക്ടോബർ 15ന് തിരുവനന്തപുരത്ത് വച്ച് വിദ്യാഭ്യാസ വകുപ്പ് മന്ത്രി വി ശിവൻകുട്ടിയിൽ നിന്നും അവാർഡ് ഏറ്റുവാങ്ങും. ശൂരനാട് വടക്ക് നടുവിലെമുറി എൽപിഎസിലെ നാലാം ക്ലാസുകാരിയായ ഭവിക പാഠ്യപാഠ്യേതര വിഷയങ്ങളിൽ ഒരുപോലെ മികവ് പുലർത്തി വരുന്ന കുട്ടി പ്രതിഭയാണ്. നാളിതുവരെയുള്ള തന്റെ പിറന്നാൾ ആഘോഷങ്ങൾ സമൂഹത്തിലെ ദുരിതമനുഭവിക്കുന്നവരോടും സഹജീവികളോടൊപ്പവുമാണ് ആഘോഷിച്ചിട്ടുള്ളത്. ഇക്കഴിഞ്ഞ പിറന്നാളാഘോഷത്തിന്റെ ചിലവ് വയനാട് ദുരിതമനുഭവിച്ച സഹോദരങ്ങൾക്ക് വേണ്ടി ജില്ലാ കളക്ടർക്ക് സമർപ്പിച്ചിരുന്നു. കഴിഞ്ഞവർഷം കൊല്ലം ജില്ല ശിശുക്ഷേമ സമിതി നടത്തിയ കഥാരചന മത്സരത്തിൽ ഒന്നാം സ്ഥാനം ലഭിച്ചിട്ടുണ്ട്. കഴിഞ്ഞ സബ്ജില്ലാ സ്കൂൾ കലോത്സവത്തിൽ
വിവിധ മത്സരങ്ങൾക്ക് എ ഗ്രേഡ് കൂടി മികച്ച വിജയം കൈവരിച്ചിരുന്നു. മൂന്നാം ക്ലാസിലെ പഠനയാത്ര റിപ്പോർട്ട് വിദ്യാഭ്യാസ വകുപ്പ് മന്ത്രി വീ ശിവൻ കുട്ടി അദ്ദേഹത്തിന്റെ ഫേസ്ബുക്ക് പേജിൽ ഷെയർ ചെയ്തിരുന്നു. വ്യത്യസ്തമാർന്നതും തനിമയാർന്നതുമായ അഭിനയത്തിലൂടെ സോഷ്യൽ മീഡിയയിലെ മിന്നും താരം കൂടിയാണ് ഗൗരിക്കുട്ടി എന്ന ഭവികാ ലക്ഷ്മി.
അധ്യാപകനായ എൽ സുഗതൻ അച്ഛനും റവന്യൂ ജീവനക്കാരി വിഎസ് അനൂപ മാതാവുമാണ്. പ്ലസ് ടു വിദ്യാർത്ഥിയായ ഭവിൻ സുഗതൻ ഏക സഹോദരനാണ്.
