ഓച്ചിറയിൽ കെട്ടുകാള മറിഞ്ഞു. 72 അടി ഉയരമുള്ള കാലഭൈരവനെന്ന കെട്ടുകാളയാണ് മറിഞ്ഞത്. ആളപായമില്ല. കാളകെട്ട് ഉത്സവത്തിന്റെ ഭാഗമായി ക്ഷേത്രത്തിലേക്ക് ക്രെയിൻ ഉപയോഗിച്ച് കെട്ടിവലിച്ച് കൊണ്ടുപോകും വഴിയാണ് അപകടം
വൈദ്യുതി ലൈനുകള്‍ക്ക് തകരാറു സംഭവിച്ചിട്ടുണ്ട്. കാഴ്ചക്കാരെ നടുക്കിയാണ് കാലഭൈരവന്‍ മറിഞ്ഞത്. ഉയരം അധികമായതിനാല്‍ ക്ഷേത്ര പരിസരത്തേക്ക് എത്തിക്കാന്‍കഴിയാതിരുന്ന സംഭവവും ഉണ്ടായിട്ടുണ്ട്. നേരത്തേ ജനം തോളിലെടുക്കുന്ന കെട്ടു കാളകളായിരുന്നുവെങ്കില്‍ അടുത്ത കാലത്തായി മല്‍സര ബുദ്ധിയോടെ കാളകളുടെ വലിപ്പം കൂട്ടിയിട്ടുണ്ട്. ഇതുമൂലം പല സംഘങ്ങള്‍ക്കും കാളകളെ ഉല്‍സവമേഖലയില്‍ എത്തിക്കാന്‍ പോലും കഴിയാറില്ല. ഇടക്കാലത്ത് നിയന്ത്രണം വന്നെങ്കിലും ക്രൈയിനും മറ്റും ഉപയോഗിച്ച് വലിച്ചുകൊണ്ടുപോകുന്ന ടണ്‍കണക്കിന് ഭാരമുള്ള ഉരുക്കളാണ് ക്ഷേത്രത്തിലേക്ക് ഉല്‍സവത്തിന് ഒരുക്കാറ്.
